روايه حب تاني كامله
يا باشا تخص ناس كبار في البلد والاحسن لك لو نتفق ونقفل القضيه دي من غير ما تزعل حد عشان الناس دول زعلهم وحش اوي وانت مش قدهم.
كامل قضية ايه بالظبط
الشخص المجهول الست الممثلة اللي دي..
كامل طب عرف الناس الكبار دول ان مفيش حد اكبر من القانون واي حد متورط في القضيه دي هيتحاسب.
الشخص المجهول كنت عارف ان دماغك ناشفه بس قولت اجرب معاك يمكن تعرف مصلحتك.. على العموم انا نصحتك وعملت اللي عليا.
قفل الشخص ده المكالمة وبص كامل للرقم وهو بيفكر مين ورا الشخص اللي كلمه ده وبعت الرقم بسرعه لواحد من اصدقاءه عشان يعرف مين صاحب الرقم والمكان اللي كان بيتصل منه.
في نهاية اليوم.
كانت فريدة في غرفتها ومشغله اغاني بصوت عالي جدا وبترقص زومبا لوحدها على صوت الاغاني.
وصل كامل البيت وهو مرهق جدا من شدة التركيز في القضيه اللي بيحقق فيها وكانت مامته قاعده في استقباله وبتتفرج على التلفزيون..
ردت والدته بقلق الحمد لله يا حبيبي.. شكلك تعبان! في ايه
ابتسم كامل مفيش يا أمي انا بس مرهق شويه من كتر الشغل.
صوت الاغاني ارتفع أعلى وهما بيتكلموا بص كامل للدور الأعلى وسأل والدته هو في ايه
ضحك كامل بتعب وقال خليها تعمل اي حاجة جوه البيت.. المهم متخرجش تعمل مشاكل مع حد برا.
رن جرس البيت وفتحت واحدة من الخدم وظهر صوت رجالي عالي جدا بيزعق پغضب قام كامل بسرعه وخرج يشوف في ايه!
كان جارهم اللي ساكن في الفيلا اللي جنبهم واقف يشتكي من صوت الاغاني العالي وكان ڠضبان جدا ومتعصب لأن دي مش اول مرة يشتكي.
اتكلم معاه كامل بهدوء وحاول يمتص غضبه ووعده انه هيحل موضوع صوت الاغاني العالي ده ومش هيتكرر تاني.
قعدت سميحة مامت كامل تضحك وهي بتبص ل كامل بعد ماتكلم مع جارهم ووعده انه هيحل الموضوع بسرعه.
ضحكت مامته ربنا يكون في عونك.
طلع كامل على غرفتها بخطوات سريعه وهو متعصب جدا ومش عارف يعمل ايه معاها! وقف قدام غرفتها وخبط عليها بقوة وهي جوه مش سامعه من صوت الاغاني العالي. وقف يخبط كتير وفي النهايه قرر يفتح الباب ويدخل.. وقف پصدمة اول لما فتح الباب و...بقلمي ملك
الحلقة_الثانية_والثالثه
تاني_حب
بقلم_ملك_إبراهيم
طلع كامل على غرفتها بخطوات سريعه وهو متعصب جدا ومش عارف يعمل ايه معاها! وقف قدام غرفتها وخبط عليها بقوة وهي جوه مش سامعه من صوت الاغاني العالي. وقف يخبط كتير وفي النهايه قرر يفتح الباب ويدخل.
كانت جميلة جدا بكل تفصيله فيها وبتخطف قلبه مع كل حركة بتعملها.. وقف يتفرج عليها ونسى هو كان جاي هنا ليه!
استغربت فريدة صمته وهو بيتأملها شاورت بإيديها قدام عينيه كامل انت سامعني
هز راسه وهو بيبصلها واتكلم بهدوء ايوه.. هو انتي كنتي بتعملي ايه
فريدة كنت برقص زومبا.. ليه في حاجة
هز راسه وهو بيتأملها ومش قادر يبعد عينيه عنها لا مفيش..
استغربت فريدة كامل انت كويس
فاق اخيرا وافتكر هو كان جاي ليه وحاول يسيطر على مشاعره ويرسم ملامح جادة اه يا فريدة انتي بترفعي صوت الاغاني اوي والجيران بيشتكوا.
هزت كتفها بلا مبالاة بيشتكوا من ايه
كامل من صوت الاغاني العالي يا فريدة.
فريدة ماشي يا كامل يعني أعملهم ايه
كامل بعصبيه يعني تبطلي اللي انتي بتعمليه ده يا فريدة وتقعدي تذاكري او تشوفي حاجة تانيه مفيدة تعمليها.
فريدة بس انا بحب الرقص ده يا كامل ومش من حق اي حد انه يمنعني عنه.
كامل انا مش بمنعك يا فريدة.. كل اللي بطلبه منك انك متعمليش الحاجة اللي بتسعدك على حساب ازعاج غيرك.
فريدة بملل على فكرة انا زهقت اوي يا كامل من التحكمات دي.. نفسي احس اني حره واعمل كل اللي
