نرجس يا نرجس انتى فين يا يبنتى لسه بيفتح
ولقى فلورز كتير.
عند نرجس
نرجس بسعادة انا مش عارفه اشكرك الزاي يا استاذ يوسف لولاك مكنتش حصلت علي لقب اشهر موديل في مصر.
يوسف اسمي يوسف مش الأستاذ يوسف وعلي فكرة انتي تستاهلي اللقب دا من زمان...عارف انك كنتي بتسعي تكوني موديل من سنتين الي فاتوا وعارف انك مختيش حقك .
نرجس اتسعت عيونها پصدمه هو الزاي عارف كل دا
نرجس هزت راسها
يوسف انا كنت معجب بيكي وكنت خلاص هتقدملك .
بس في يوم شوفتك جايه شركه كنتي مبسوطه وبداتي تعزمي صحابك علي فرحك انتي واحمد .
ساعتها استقلت من شغل لان كل ما شوفك كان صعب عليه اتخيلك في حضڼ غيري.
نرجس خجلت بشدة مكنتش عارفه تقول ايه
يوسف بس انا الي مفروض اشكرك لولاكي مكنتش وصلت لمركزي دا ....... بيشاور علي مكان ومكتبه الفخم .
يوسف كان واخد مثال الجهد والاجتهاد في العمل بس هي عمرها مفكرت في كانت شايفه مجرد اخ مش اكتر
سكتت شويه وقالت بس برضه مقلتليش انت عرفت منين حكايتي و عرفت منين ان دا حلمي وكنت بحاول اوصل له
يوسف بصوت هادئ كنت بحب اعرف كل تفاصيل حياتك أحلامك كل شئ وكنت وراكي فين ما تروحي.
يوسف رد بثقه واكتر انتي متعرفيش انتي غاليه عندي قد ايه بتردد بقصد انك انسانه محترمه وغاليه .
نرجس بصت في فون شافت رساله من ابوها
الرساله احمد موجود معايا يا نرجس قامت من مكانها بعتذر منك لازم امشي .
يوسف بقلق في حاجه ولا ايه
_ لا مافيش حاجه بس مروحه زمان بابا في انتظاري
قبل ما تفتح الباب يوسف
بلهفه تجوزيني يا نرجس
لفت وشها وقالت بتوتر ايه بس انا
يوسف عارف بعد تخلصي ايام العدة .... نكتب الكتاب هاااا ايه رايك وصدقيني مش هخليكي ټندمي ابدا انشاء الله اقدر اسعدك .
قالت وهي تنظر بخجل سبني افكر .
يوسف فكري براحتك وردي عليه .
هزت راسها بالموافقه و خرجت من المكتب واخدت العربيه في طريقها للبيت
شاف فلورز كتير.
اټصدم لما شاف نرجس في قمه تألقها وجمالها
قال في نفسه نرجس ..... ايوة هي انا مش هتوه عنها ثواني رجع لذكريات الماضي .
نرجس انا مش مصدقه اني معاك يا احمد بفرحه
وكمان انا سهرانه انا وانت في مكان رومانسي
حته من غير ما اطلب منك نخرج انت من نفسك خرجتني انا بجد مبسوطه وانت جنبي
نرجس بعفويه تعرف يا احمد انا احلامي و طموحاتي ملهاش حدود واكتر حلم كان نفسي احققه اني ابقي اشهر موديل .
احمد بص ليها من فوق لتحت بسخريه لا والله .
نرجس حقيقي يا احمد حته كنت بشتغل علي نفسي عشان اوصل بس انت ظهرت في حياتي وقلبت حياتي كلها حبيتك اكتر من نفسي .
نرجس مسكت ايد احمد تنظر في عيونه بتركيز
بقيت كل حياتي انت و كل طموحي انت كوني اني جنبك بس بنسي الدنيا بالي فيها بحس ان معايا علتي كلها
ربنا يخليك ليا وميحرمنيش منك ابدا .
احمد بص لها بنفاذ صبر وقام بتنهيده يلا بينا اتاخرنا .
فلاش باك...
انا انسان غبي الزاي كنت بعامله بالقسۏة دي بدل ما يرن
قرر يقوم ويلبس ويروح بيت ابوها خلص لبس ونزل كلها دقائق كان وصل خبط علي باب
ابو نرجس بترحيب اتفضل يبني اتفضل البيت بيتك
قعد يحكي كل الي حصل من البدايه لنهايه ومعترف ان غلط في حق نرجس وجاي يصلح غلطته عايز فرصه أخيرة
نرجس فتحت الباب علي اخر كلمه قالها احمد
أحمد اول ما شاف نرجس قام من علي كرسي
نرجس قربت من ابوها حضنته ... عامل ايه يا بابا بتكلم وهي تنظر لي أحمد.
فريد ابو نرجس انا هدخل اجيب .
نرجس قاطعت كلامه. خليك يا بابا عايز تجيب اي من جوه وانا هجيبه
ابوها طبعا قال كدا عشان يسيبهم براحتهم مع بعض ويتفاهمه .
معرفش يرد علي بنته فضل قاعد معاهم .
احمد الزيك عامله ايه
نرجس ببرود تمام والحمد لله
احمد بندم انا اسف علي كل الي حصل .
نرجس بعدم فهم علي ايه اه صح مبروك الجوازة الجديدة
