ازاي عاوز تاخدنى عند دكتورة نساء أنت اكيد

ولا راح تحملني فوق اكتافك انا نمشي بروحي.
قلت لا وغورى على خيمة امك جاك غاير.
نظرت الى عوالى مترجية لها بعيناها اللامعتين بالدمع فقالت عوالي لقصير
خليها تيجي معنا ياقصير حتى اجيبلها كم لبسه من الحضر بمقاسها كان ودي من بدري اجيبلها بس ماكنت اعرف اقياسها خليها مشوار واحد.
امرك ياعمتي.. فوتي عالسياره ياام لسان.
الله يخليك ياجتي عوالي ويطول بعمرك يارب.. اي هيكي الحناين تكون.
انهت جملتها وهرولت نحو السيارة فنظرت عوالي لقصير وقالت له معاتبة
لا تقسى عالبنيه ياقصير بيكفيها قساوة امها عليها وكيدها من خوها اللي جا وخد مكانها 

وانفطمت وانرمت رمية ضنا الحړام.. الخزي عليكم لا تكون انت وامها والزمن عليها.
عمتي احنا ماندلل بنيات دلالنا بالهدايا والعطايا مو بالحن والطبطبه وانت تعرفين ليش ودك اغير اطباعنا اللي عايشين بيها من جد الجد .. ويش فيها امها قست عليها القسۏه تعلم القوة..واللي مايشوف قسۏة مايعرف يعيش.
انت متل مرتك مابيكم خير ولا بقلبكم حن غير لهلال على قول رجوه.. يلا فوت قدامي وخد هالقشمة وجيب معك قروش واجدات ودي اجيب حوايج للصبايا بالمره.
ياريت كل الهموم قروش ياعمتي لا تشيلين هم بس يلا ياعمتي بالله عليك تأخرنا لسه وراي مشوار للمطار وشغله طويله.
لكن مع مين انا ودي نتسوق من للسوق وانجيب حاجاتنا 
ناخدو معنا حدا من الشباب.. يابرق.. برق اقبل..
جاءه الشاب يهرول فقال له آمرا
شيل لغراض وديهم عالسيارة وتعال معنا لترافق شيختك للسوق وتساعدها بحمل لغراض وترجعها.. روح انت بسيارتي وانا بروح بسيارة عقاپ احنا الروحه سوا بس الرده كل واحد بروحه.
تأمر امر ياشيخ.
وصلوا المشفى وهناك ترجل الجميع
ووصلت رجوه وكانت هي الأسبق بينهم خطواتها تسابق الريح وعيناها تبحث في الوجوه عن سالم.. 
وبمجرد أن رأته جالس فى الطرقة بجوار جده منصور حتى صړخت وهرولت نحوه وهي تقول
واااك اعليك وعلى امك جالس ومرتاح ومستانس انت وما شايل هم شي وتاركنى لحالي بالقبيله وتعرفني مافيني بلاك ياتيس التيوس انت.
وقف سالم بمجرد ان سمع صوتها وتبسم وهو يراها آتية اليه مسرعة وكاد أن يفرد لها ذراعيه كي ترتمي في احضانه ولكن هيهات أن يفعلها في وجود ابيها والشيخ والشيخة.. فاردف لها مرحبا
ياهلا برجوه تو نورت المشفا.
ولا هلا ولا قطران على راسك كيف غادي يجيلك نوم وتارك رجوه بلا حلا ولا شي تاكله بالليل ياتيس.. والله لأقص رجولك بمقص عمتي عوالي بس نعاودوا لديارنا. 
كان سالم يتبسم فقط دون ان يعقب على كلامها هي فقط امامه وهو مشتاق لها ولا تهمه كل شتائمها..
فجلست على الكرسي المجاور له واشارت له بالجلوس وهي تقول له
اجلس اجلس ياتيس انريد نسألك عن واااجد حاجات شفتها بطريقي وماسألت.. لن بوي وقت نحكي يبحلق في يرعبني ويخلي فمي يتصكر لحاله. 
جلس سالم بجوارها بعد أن سلم على الشيخه عوالي وعمه قصير وسمع قصير يسأله بغرابة
وانت تقولك اقعد ياتيس وتقعد 
رجوه
اييي يلا غيرو عليا الحنين واقلبو قلبه وقسوه وخلوه يكرهني متلكم انا اقولا ياتيس هاد دلال ومناغشه وهو كمان يقولي يانعجه ياعنز وانا مانزعل منا بس لو تطلعون انتم منها وتتركو التياس والنعاج يتفاهمن. كان نربحو.. 
هملا و قولي ياسالم ويش هاد اللي لابسينا الحريم بالحضر وااااك اعلينا رجولهم باينه وما عندهن سراويل يلبسونها.. والرجال ويش هاد اللي يلبسونا 
والله خلص لقماش قبل لا يكملون ثيابهم للأرض مسوينها قصيرة.. والله اهل الحضر يضحكون واااجد هههه 
كانت تتحدث وتسأل