كان النهارده فرح أخويا على البنت اللي حبتها
عارفه أتواصل معها إزاي
بلال طب ليه قولتي كدا وافرض مثلا إنها موافقتش عليا ومحبتش نرجع عيلتنا تاني وتشوف حليم
سهى الصراحة هيكون معها حق ولكن أنت حاول يعني كلمها وشوف رأيها
بلال أنت في عقلك يا بنتي أكلمها إزاي وبصفتي إيه وكمان مامعيش رقمها
سهى اها فعلا كلامك صح إيه دا استنى فاكر يوم ما رنيت عليك من رقمها عشان كان موبايلي فصل شحن لما قولتلك عالطلب اللي كنت عايزاه وقتها كنت أنا معها في شقتها
سهى أنت يابني بتفكر منين يعني أنت ماسجلتش رقمها ولا إيه
بلال وهو بيخبطها لأ طبعا أسجله ليه بصفتي إيه يا ذكية يكونش زوجها ولا أبوها ولا أخوها أنت هبلة
سهى بغباء كنت أخو زوجها
بلال الصبر من عندك يارب يابنتي يعني مينفعش أسجل رقمها أكيد لو احتجت حاجة كنت هتصل على حليم أو حضرتك أو ماما يعني محلولة
بلال مش فاكر بس ممسحتهوش من زمان
سهى طب هات كدا نشوفه
بلال ماشي خدي بس لو لقيتيه مش هكلمها خلي دا في بالك
سهى اومال أنا اللي هكلمها
بلال
أيوا ياختي أكلمها أنا بصفتي إيه وبعدين الصراحة مكسوف
بقلم إسراء إبراهيم
سهى بضحك مكسوف!!! ماشي هاخد رقمها وأكلمها وأشوف الموضوع هجيبه ليها بطريقة غير مباشرة
سهى ماشي خليني بقى أشوف الرقم ودورت ولقيته لأنها فاكرة آخر رقمين منه
بلال هاتي بقى عشان أروح أنام ورايا شغل بكره
سهى ماشي خد أهو ويلا بقى عشان أتصل عليها
وطلع بلال وسهى اتصلت عليها مروه ردت
مروه ازيك يا سهى مكلمتنيش من زمان ليه
سهى معلش رقمك اتمسح من عندي وبحثت عليه على موبايل بلال وجبته
سهى حكت ليها الموضوع
مروه اها ماشي المهم أخباركم إيه! وماما عاملة إيه
سهى كلنا كويسين وكانت فتحت الاسبيكر وبتطبق
الهدوم اللي كانت لمتهم وبتحطهم في الدولاب
مروه دايما يارب
بقولك هو أنا لو دعيتك على خطوبتي هتيجي أنت وماما!
سهى پصدمة خطوبتك!
مروة أيوا هتبقى يوم الجمعة الجاية
سهى إزاي ومين
سهى اها وأنت وافقتي عليه عشان هيحترمك
مروه لأ بس هلاقي الاحترام هلاقي التقدير والاهتمام يا سهى وبعدين الحب يجي بعدين بس ألاقي شخص مهتم بيا بيحب يسمعلي باحترام وتقدير ميطنش كلامي ألاقي حد يسمعني في فرحي وحزني مش يروح شغله يجي يلاقي الأكل ولو تعبت في يوم ومعملتش ألاقيه ماسكلي عالواحدة وعايز يعمل مشكلة رغم إن ممكن يطلب اوردر أو ياكل عند مامته وميكنش متسرع
سهى فهمت إنها قصدها على حليم
وبصت عالباب بالصدفة لقيت بلال
