اختبار كامله

متبقاش غير تلاته .
_ارجعوا الاوض دلوقتي ارتاحوا .
رجعنا ودخلت الاوضه واول ما دخلت اترميت ع السرير من التعب بجد خدلت انا ايه اللي جابني هنا بجد .
فضلت اجلد ذاتي نص ساعه عشان جيت مكان زي دا.
وبعدها نمت.
صحيت تاني يوم ع صوت الباب .
_فتحته كان واحد تبع المسابقه وقالي اصحي شريكي ف الفريق.
فضلت اخبط ع الباب لدرجه انه قرب يتكسر وشكيت انه ماټ معرفش ايه اللي جاب الفكره ف دماغي بس جربت مفتاح اوضتي وفتح الباب .
دخلت بس مكنش موجود كنت هطلع لقيته قدامي.
_نعم.
_كنت فين
_كنت بجري .
_الصبح بدري كدا
_الجري المفروض امتي
_معرفش بصراحه اصلي مجربتش قبل كدا.
_واضح عليكي.
_تقصد اني تخينه.
_انا ماقولتش كدا.
_بس تقصد كدا .
_قصدي انك كسوله مش تخينه ولا حاجه .
_طيب يلا عشان التحدي الجديد هيبدا.
طلعت رجعت اوضتي كنت بظبت شنطتي مكنش ينفع اسيبها معاه بردو فيها حاجاتي .
التحدي الجديد بدأ هو انا مش فاهمه المفروض نعمل ايه.
__
انا مش فاهم ايه هو التحدي الجديد هما مقالوش حاجه غير ان التحدي بدا والمفروض احنا نعمل ايه كدا.
كنا قاعدين احنا والفريقين التانين شفنا ڼار من بعيد و رحنا اتجاه صوت الناس وريحه الحريق .
_التحدي التالت واحد من كل فريق هيدخل بيت من اللي مولعين دول وفي جوه كل بيت علم اللي هيطلع هيكسب.
____
_ننسحب.
_لا.
_لا ايه دول عايزين حد مره تعبان ومره حريق.
_عندي فضول اعرف ايه اللي جاي.
_انت بتهزر.
مكملتش كلامي كان هو جوه البيت اللي بيولع .
فريق انسحب والفريق التاني دخل البيت المولع.
عدي تلت دقايق ومحدش طلع.
اتعصبت هما ازاي يحطوا لعبه زي دي.
عدي وقت كبير ومحدش طلع.
___
دخلت البيت وكان كله مولع كنت بتحرك بصعوبه عشان الڼار متلمسنيش دخلت اوضتين وملقتش العلم دورت كتير ومش موجود وبدأت اتخنق من الدخان .
_يلا اطلع .
_انتي ايه اللي دخلك
_احنا فريق يلا اطلع .
_لسه ملقتش العلم.
_مش مهم يلا.
صممت اني مش هطلع من غيره وهي لقته وطلعنا.
بعد ما طلعنا كانت هي مټعصبه جدا.
_انت مبتفكرش صح عارف ايه اللي كان ممكن يحصل وقولتلك متدخلش وانت بردو عنيد ودخلت كان ممكن ڼموت جوه مش مهم احنا المهم الناس اللي ممكن ميستحملوش خبر زي دا.
_كلنا ھنموت دلوقتي او بعدين.
_ايوة ھنموت بس منروحش للمۏت برجلينا المفروض نتمسك بالحياه ونستمتع بكل لحظه ونقضي الوقت مع ناس بنحبهم ايوة ممكن تكون الحياه مش عادله معاك وجايه عليك عشان تخاطر مخاطره زي دي وتروح للمۏت بس مجرد تفكير انك هتسيب اهلك زعلانين وراك حتي لو مافيش حد هيزعل عليك خالص فكر ف ربنا ربنا بيغفر لعباده ويرحمهم وبيعوضنا لو لجأناله بس مش بالطريقه دي لما نصلي وندعي من قلبنا هنوصل لربنا اسهل من المۏت المۏت مش هيوصلنا ليه بالطريقه اللي احنا عايزينها الصلاه هي اللي هتوصلنا وف اي وقت وهيتقبلنا زي ما احنا ويغفرلنا عمر المۏت مكان حل انا مش متخيله اني خاطرت بحياتي وبدموع اهلي وحزنهم .
_انا آسف.
مشيت وهي بټعيط وانا معرفتش اعمل ايه فا سبتها يمكن تهدي لوحدها.
كان دا اخر تحدي ف المسابقه كنت رانن ع حد يجبلي العربيه هنا عشان مش هرجع ف الاوتوبيس بس رنيت عليه وخليته مياجيش.
___
اخدت حجاتي من الاوضه ورحت ركبت الاوتوبيس اللي كان كامل وهو مش موجود ومش مهتمه اصلا يكون موجود ولا لأ انا مش مكبره الموضوع هو الموضوع كبير اصلا ازاي نستغني عن نفسنا عشان حاجه تافه زي دي ماتولع المسابقه ع اللي عاملها حياتنا اهم من الف مسابقه.
_انا قولت مينفعش تمشي زعلانه مني .
كان ف ايده شوكلاته.
_انا مش زعلانه.
_بجد .
_بجد.
_يلا دي اخر مره هتشوفيني فيها متخلهاش تبقي ذكره وحشه .
_اخدت الشوكولاته من ايده وكنت بقرأ عليها حاجه.
_انا جبت واحده بالبندق وواحده ساده.
_انا هاخد الساده وانت البندق عشان مش باكله.
_هتعملي ايه
_ف ايه 
_شغلك.
_معرفش اصلا ف البيت مفكرين اني ف رحله تبع الشغل ومش عارفه هقولهم ازاي .
_شوفي شغل جديد .
_هو حد لاقي شغل اصلا .
_ممكن اشوفلك شغل ف الشركه اللي انا شغال فيها.
_مستحيل تلاقي دي شركه كبيره ولو لقيت المدير بتاعكم مش هيقبلني لما يعرف اني اترفدت بسبب التأخير.
_هنشوف.
_تمام.
_ممكن بقي رقمك عشان لو لقيت ليكي مكان.
_تمام.
بعتله الرقم وكنت انا قاعده جنب الشباك سندت دماغي عليه وكنت باكل الشوكولاته.
_انت بجد مافيش حد مسؤل عنه يعني لو حصلك حاجه هو مش هيعرف يعيش .
_بصلي لا فيه بس الشخص دا علمني مستسلمش .
_دا مش استسلام.
_استسلام انا لما اقبل الهزيمه ف حاجه يبقي هقبلها ف كل حاجه يعني لما اقبل اني اخسر حاجه يبقي هقبل الخساره ع كل حاجه ودا ممكن يأذيني يعني لما اقبل اني اخسر كرامتي او شخصيتي كل حاجه كبيره اي خساره كبيره كان قبلها خساره بسيطه وانا لما قبلت بيها الخساره كبرت.
_انت غريب.
_انتي اللي مش هتفهميني.
_طيب انا عايزه افهمك.
_لو اتقابلنا تاني.
_يعني مستحيل وانت عارف.
نزلت من الاوتوبيس بعد ما وقفنا عند المكان اللي ركبنا منه
روحت البيت واول ماروحت سلمت عليهم ودخلت نمت كنت تعبانه اوي حاسه اني مانمتش من سنين.
بعد يومين.
صحيت ع صوت التيلفون بيرن.
_ايوة.
_كفايه كسل نايمه لحد دلوقتي ليه
MeeNna
اختبار 
البارت الرابع
صحيت ع صوت التيلفون بيرن.
_ايوة.
_كفايه كسل نايمه لحد دلوقتي ليه
_شيلت التيلفون من ع ودني وبصيت كا رقم غريبانت مين
_يوسف.
_بجد انت عامل ايه
_مش وقته.
_حاضر.
_هاتي ورقك عشان تقدمي ع الشغل وممكن تبدأي النهارده لو اختاروكي.
_تمام ابعتلي العنوان.
قفل وبعتلي العنوان بصيت الساعه كانت ٦ ونص منه لله انا هعمل ايه الساعه ٦ونص .
جهزت ورحت كان المكان هادي شويه دخلت جوه وسالت ع مكان التقديم وقدمت وقالولي استني شويه.
فاقولت اروح اسلم عليه عيب يعني اجي ومسلمش عليه.
دورت عليه بس مش لقياه كنت واقفه ولقيته داخل من الباب ولابس بدله وحاجه اخر شياكه.
_ايه ي بني مديركم دا من يهود بني قريظه .
_ضحكعامله ايه
_هموت وانام وانت انا مش طيقاك بتصحيني ٦ ونص ليه حرام عليك مانمتش حلو.
_كنتي سهرانه 
_كان فيلم رهيب والله.
_قدمتي.
_ايوة .
_طيب نشرب بقي قهوه.
كنا بنشرب القهوه ولقيت مرام جايه نحيتي وهي بصالي بأستغراب.
_بتعملي ايه هنا
_مفاجأه كنت بقدم ع شغل.
_وشغلك.
_ابتسمت.
_يبقي اطردتي.
_نسيت اعرفك يوسف مرام صحبتي قولتلك عليها وانتي اكيد عرفاه شغال معاكم هنا.
_اكيد عرفاه من ميعرفش يوسف بيه المدير
استغربت طريقتها الرسميه وهي قالت ايه.
_مدير ايه
_مدير الشركه.
_بصتلهبجد انت مدير الشركه دي.
_بجد.
افتكرت الكلام اللي قولته عليه ومش عارفه ملها غممت كدا.
_فريده.
_نعم.
_انتي كويسه .
_ايوة.
_طيب بعد اذنكوا انا هروح اكمل شغلي.
مشيت وانا مكسوفه حتي ابصله ليه الارض متبلعنيش دلوقتي .
_مكنتش متوقع انك هتتفاجئي كدا.
_بعد العك اللي انا عكيته كان المفروض تتوقع.
_مش مهم.
_بصتله بشكانت جايبني هنا عشان ټنتقم مني صح.
_بطلي تخلف وروحي ابدأي شغل.
_لا انا مابشتغلش بواسطه بعد اذنك.
_من غير واسطه مش هتلاقي شغل اصلا يلا.
_اقنعتني بعد اذنك.
مشيت بس رجعت تاني.
_ماقولتش ليه
_ماقولتش ايه
_انت فاهم.
_عشان مش بحب الناس لما تعرف دا بيتغيروا ويتعاملو برسميه مبالغ فيها .
_يعني دلوقتي اعاملك برسميه عشان انت مديري ولا اتعامل زي الاول عشان اتلغبط.
_براحتك.
مشيت ورحت لمكتبي
مش عارفه ايه الشغل السريع دا بجد.
_مرام.
_روحي شغلك.
_عادي.
_هنا مش عادي .
_ليه
_انتي ماشوفتيش لوحه