أخويا بقلم هويدا زغلول
المفروض تأمني نفسك وانتي داخله عنده
نيره
اسكتي بقي ده انتي فايقه ورايقه ومشيت فعلا نيره وراحت دخلت الوضه الي محجوز فيها كريم وكان في حاجز قزاز بينها وبينه قعدت قدامه وقالت
نيره
ازيك يا كريم عامل ايه ...ما ردش عليها وهي ابتسمت وقالت
نيره
ازاي بيقولو عليك مچرم وانت شكلك ما يبانش عليه كده خالص باين عليك طيب وابن ناس ومتعلم ايوه انت خريج كلية الهندسه وبأمتياز وكنت شتطر في شغلك ومثالي في كل حاجه في حياتك
اممم بص انا عايزاك تتكلم معايا عادي ما تاخدش في بالك اني دكتوره نفسيه وجايه اسجوبك
بصلها پحده وبص للكاميرا اللي علي الحيطه فقامت هي وقفت علي الكرسي وشالت الكاميرا وكمان قفلت موبيلها وقالت
نيره
تقدر تطمن بقي ان انا جايه هنا اساعدك مش جايه اضرك
وقف فجأه وقرب من القزاز وهي خاڤت ورجعت لورا وابتسم
لو كنت شوفتك قبل ما اتكشف كنتي هتبقي ضحيه جديده ليا عشن عجبتيني اووي
نيره حاولت تخفي توترها وقالت بهدوء
ما كنتش هتقدر مش كل الطير اللي يتاكل لحمه وبعدين انا جايه اساعدك وانت عايز تخوفني منك
كريم
مش عايزك تساعديني انتي جايه هنا عشان تنجحي في الحاله بتاعتك وتترقي في شغلك انتو كلكم تستاهلو اللي انا بعمله اي ست تستاهل اللي انا عملتو فيها
عقده اكيد عندك عقده من حاجه حصلتلك وعشان كده بتتعامل بالطريقه دي مع الستات وفي الاخر تكمل جريمتك الۏحشيه معاهم
كريم
بالعكس انا من عيله كويسه وناس محترمين بس انتو تستاهلو اعمل فيكم كده واكتر من كده
نيره
ومدام احنا نستاهل انت ليه ما عملتش كده في امك واختك عرفت ان عندك اخت ليه ما عملتش فيها الچريمه دي ولا كل الستات تستاهل كده معادا اختك وامك
ومين قالك اني ما عملتش كده دي كانت احلي ضحيه
خاڤت نيره وقالت
هي مين
رد عليها وقال
امي نفس اللي عملتو في كل الضحايا عملتو فيها ودلوقتي انا عايز امشي من هنا بأي شكل
نيره بقلق
عايز تهرب يعني بس ليه عايز تهرب ما انت خلاص مش باقي علي حاجه كلامك بيقول كده
قرب من القزاز تاني وقالها بنبره مخيفه
سابته نيره وطلعت وكانت متوتره جدا وبعدين راحت مكتبها وكانت بتفكر في كل كلامه وطلعت من المستشفي كلها وراحت لفيلا راقيه..
وقالت للبواب
ممكن اقابل رحمه هانم قولها اني الدكتوره المسؤله عن حالة كريم الشرنوبي اخوها..
بصلها البواب پحده وقال
ودخل ورجع بعد شويه وقالها ان رحمه في انتظارها واول ما دخلت عندها جوه لقيت بنت شكلها جميل اووي ونسخه من كريم..
رحمه
اهلا وسهلا يا دكتوره اتفضلي اقعدي نورتي..
قعدت نيره وقالت
منور بصحابه انا لسه ماسكه حالة كريم النهارده..
رحمه
هو ليه لحد دلوقتي مريم اخويا ما اتعاقبش اوعي تصدقي انه مريض هو عامل نفسه مريض عشان ما تحصلوش حاجه.
نيره
طيب هو ايه اللي وصل اخوكي يعمل كده الملف بتاعه كويس جدا شااب زي الورد ليه يعمل چريمه بالبشاعه دي..
رحمه
ما اعرفش بس اكيد هو كان بېخاف البنات دول يفضحوه باللي بيعمله
نيره
انا مش بستجوبك انا بس عايزه اساعده حتي لو لجزء صغير هو انتي تعرفي الضحايا دول ليهم مشاكل معاه..
رحمه
اعرف منهم اتنين
بس فرح بنت البواب وامي..
نيره
يعني هو كان كلامه صح هو عمل الچريمه دي في مامتك..
رحمه
ايوه وانا هحكيلك كل حاجه بس توعديني انك توصليه لحبل المشنقه انا مش عايزاه يعيش حتي يوم واحد تاني.. وبدأت رحمه تحكي...
فلاااااش
