ندم لايفيد

مامشى إنك عايز ارقام عملا كنت جبتلك وبعدين انا همشى اسجل أرقام العملا ليه هو انت فاكرنى ايه 
وقررت بعد ذلك قلب الطاولة عليه حتى لا يطلب منها أن تتصل بعملاء اخرين 
وبعدين المفروض إنك تبقى غيور عليا ماتخلنيش اتصل بناس كان في منهم اللى عينه عليه أنت عايزهم يقولوا عليا ايه بتمحك فيهم 
صمت حجازى ولم يجد اجابه على حديثها حسنا سيصمت حاليا ويتحدث معها في وقت لاحق بطريقة مختلفه 
اثناء حديثهم دلف للمكتب احد العملاء السابقين لعزيز 
خرحت مها لاستقباله فوجدته امامها فهى تعرفه جيدا استقبلته مها بتوتر واضح 
أهلا وسهلا أستاذ صالح اتفضل 
دلف صالح للمكت وجلس على الكرسى وجلست اماه على المكتب مها 
اذيك يا استاذ صالح 
اذيك يا مها انتى اشتغلتى هنا ولا ايه 
اه ماهو استاذ حجازى يبقى جوزى وكده فجيت اشتغل معاه واساعده وكده يعنى 
ابتسم صالح داخله فهو على علم بالاشاعات التى تنشرها مها وحجازى 
طيب اتكلم معاكى فى القضيه اللى جاى بخصوصها ولا أكلم استاذ حجازى 
لأ طبعا بتكلم استاذ حجازى 
ثم دلفت لممتب حجازى 
حجازى فى عميل بره عايزك من الناس اللى عرفت انى سبت مكتب عزيز 
بجد 
أه والله تعالى وانت هتشوف بنفسك بس بلاش تكلمه على شغلى القديم ليقول انك بتغير منه او عايز تاخد العملا بتوعه 
عندك حق ماتقلقيش انا هتصرف 
خرج حجازى لمقابله العميل ورحب به 
اتفضل يا استاذ صالح مش كده 
اه حضرتك استاذ حجازى 
اه 
انا سمعت عن حضرتك الفتره اللى فاتت انا جاى فى قضيه تعويضات 
تمام مع حضرتك ورق القضيه 
اه طبعا اتفضل ثم أعطاه الورق الوهمى 
نظر حجازى فى الورق وشعر بصعوبه الموقف 
تمام يا استاذ صالح انا هراجع القضيه وابلغ حضرتك للإجراءات اللى هتم 
مافيش مشكله طيب اخد رقم المكتب من مها بره عشان اكلمك مره تانيه احدد معاد 
هى مها محاميه هنا مش موظفه استقبال 
جعد صالح بين حاجبيه ونظر له بدهشه مصطنعه 
ايه ده مها محاميه إزاى 
مها محاميه من ٥ سنين وكانت مديره مكتب عزيز المراكبى 
ضحك صالح بعلو صوته مما جعل حجازى ينظر له بدهشه من سبب ضحكه بتلك الطريقة 
ممكن أعرف ايه اللى يضحك فى كلامى 
حضرتك بتقول مها ومديره مكتب وكلام غريب صراحه 
يعنى ايه 
مها كانت موظفه استقبال بتحدد مواعيد العملا وبتتصل بينا عشان تنسق مواعيدنا مع استاذ عزيز بس كده وهى فعلا معاها ليسانس حقوق لكن ماشتغلتش قبل كده محاميه ولا تدريت اصلا 
شعر حجازى بالډماء تغلى فى رأسه ونادا على مها بعلو صوته ممها جعلها ترتعب 
دلفت مها اليه مسرعه
انتى كنتى شغاله ايه فى مكتب عزيز 
مساء الورد على الحلوين 
معلش مقدرتش اكتب اكتر من كده عينى تعبانى جدا و مرضتش اعتذر عن بارت
اليوم عشان متزعلوش بكره هعوضكم ببارت طويل بس ادعولى الخراج اللى فى عينى يخف عشان قافلها خالص