ندم لايفيد

بص يا بابا احنا طول عمرنا بنتكلم مع بعض بصراحه صح 
ايوه صح 
انا متأكد إن فى حاجة انت مخبيها 
صمت جمال هل يخذل هاديه ويخبر ابنه بحديثها ام يصمت بعد تفكير سريع قرر سؤاله دون أن يذكر اسم هاديه 
بقولك يا عزيز وعايزك تجاوبني بصراحه ليه مأجل رجوعك لهاديه 
منا قولتلك انت وهى عايز أتأكد انها اتغيرت فعلا 
بس هى اتغيرت وانت لسه معلق رجوعكم 
لأ مافيش حاجه تثبت انها اتغيرت 
طيب هل سبب تاجيلك الموضوع ده رحيل 
ورحيل علاقتها ايه بهاديه ! بابا لو سمحت بلاش تخلى حد يتدخل فى علاقتنا ويخليها تتاثر ونبدأ نداري حاجه عن بعض مهما كان مين هو الشخص ده 

طيب جاوبني الأول علاقتك برحيل ايه بالظبط
اللى قولته فى المكتب رحيل تلميذه شاطره ومجتهده وتستحق الدعم 
طيب فى جواك مشاعر ليها
إلى الآن مشاعر إعجاب بطالبه مجتهده 
هل مشاعرك دى ممكن تطور
معرفش 
طيب هاديه 
انت قولت إننا نتكلم بصراحه صح انا قرب هاديه منى عبء مستحمله عشان ارضيك انا محبتهاش ولا هحبها حتى وكل حاجه فيها مش منسباني بس انا راضي بالوضع ده عشانك وممكن اتجوزها واكمل معاها كمان عشانك انت بس وقتها انا مش هكون مبسوط
نظر الأب لابنه بقله حيله هل سعادة ابنه صعبه لهذه الدرجة هل يرضى بدخول فتاه كرحيل لم ينكر ابنه مشاعره تجاهها كما فعل مع هاديه .
عزيز هو انت والبنت دى كنتوا فى المكتب لواحدكم بتعملوا ايه 
أنت بتشك فى أخلاقي
لأ طبعا انت ابنى بس هى غريبه وانا مش مرتاح ليها 
أه أنا كده فهمت بابا هاديه قالتلك ايه
ماقلتش حاجه 
لأ قالت ايه بابا لو سمحت بلاش تخلى حد يلعب بينا انت أكبر من كده .
بدأ جمال يقص على ابنه ما قالته له هاديه وعن بحثه خلف تلك الفتاه حتى يتأكد من حديث هاديه إلى أن اتى لزيارته اليوم ووجدهم بمفردهم والشكوك التى ساورته .
بص يا بابا رحيل بنت يتيمه غلبانه عمها جوزها ابنه عشان يبقى مطمن عليها انت سألت على البنت لكن نسيت تسأل على طليقها حجازى اللى كان بيشك فيها وده كان سبب طلاقهم وعمها بنفسه هو اللى طلقها الكلام ده على فكره رحيل محكتليش منه كلمه اللى حكاهولي اياد وكان حديث عابر بنضيع بيه وقتنا يوم فرحه لما جت سيرتها كان بيشكر فيها واداني نبذه عنها بالإضافة انى شفت أهلها دول بنفسى وشفت طليقها إنسان همجي عكسها 
وهى فعلا قريبه منى لان رسالتها نفس اغلب نوع القضايا اللى بتجيلي وللسبب ده رشحها اياد ليه وبرضوا للمعلوميه كانت بدأت بإنتهاء جزء كبير منها قبل ما اشرف عليها 
يعنى كل اللى اتقالك ده الهدف