مروان وام رودينا
أكلتنا ومشيت .
إيهاب بتعجب ماما جات أزاي أنتوا هتجننوني
يوسف ليه يا بابا
إيهاب مفيش مفيش طيب هيه جات امتي ومشيت امتي
يوسف جات بعد انت مشيت بساعة ومشيت قبل ما تيجي علطول .
إيهاب طيب اسخن لكم الأكل معايا ولا شبعتوا
يوسف وسيف في صوت واحد لأ احنا شبعنا ومش جعانين .
يخرج الطفلين و يقف إيهاب يسخن الطعام وهو في ذهول تام !!! يحاول ابجاد تفسير لما يقوله ابناؤه وما يراه دون جدوي !!!
يجلس إيهاب بجوار ابناؤه و يتناول الطعام ببطئ شديد وهو يفكر في شيئا ما بتركيز كبير !!!
ثم يمسك هاتفهه ويتصل .......
إيهاب مساء الخير يا مروان معلش ازعجتك .
إيهاب انا لما روحت البيت لاحظت حاجات غريبة أوي !!!
مروان حاجات غريبة أزاي
إيهاب الولاد قالولي ان سحر أمهم جت وقعدت معاهم وعملتلهم اكل واكلتهم وبعدها مشيت قبل ما ارجع البيت !!!
مروان معلش يا إيهاب ده طبيعي الولاد كانوا واخدين علي وجود مامتهم معاهم باستمرار اكيد قعدوا يتخيلوا أن مامتهم جات وكده وانت عارف خيال الاطفال ملوش حدود .
مروان أنت أكيد بتهزر !!
إيهاب يا عم بتكلم جد اومال انا اتصلت بيك ليه .
مروان اللي انت بتقوله ده يحصل أزاي وانت بنفسك كنت موجود وشوفتها لحظة ۏفاتها ولحظة ډفنها الكلام ده لازم يكون تهيؤات .
إيهاب يا ابني بقولك انا شوفت الشقة والمطبخ والاكل في التلاجة بنفسي تقولي تهيؤات !!!
مروان كلامك ده ملوش الا معني من اتنين أما ان فيه حد فعلا دخل الشقة وعمل كل ده ومشي
إيهاب حد زي مين
مروان حماتك او اخت مراتك .
إيهاب سحر الله يرحمها ملهاش اخوات بنات .
إيهاب كلام منطقي واحتمال كبير جدا يكون صح فعلا .
مروان لازم يكون صح لأن الاحتمال التاني مرعب !!!!
إيهاب ايه هو الاحتمال التاني
مروان الاحتمال التاني ان تكون روح مراتك سحر موجودة معاكم في البيت .
مروان لأ انا بتكلم جد ممكن تكون روح مراتك من حبها وخۏفها علي الولاد جات تسكن معاكم البيت .
إيهاب ولو روح سحر زي ما بتقول سكنت البيت مش معقول هترتب وتنضف الشقة وتطبخ !!
مروان معنديش تفسير غير الاحتمالين دول طيب أسأل حماتك يمكن تقولك مين اللي دخلت الشقة وانت مش موجود .
إيهاب لأ مش هسألها لأني لو سألتها وطلعت مش هيه اللي جات الببت وانا مش موجود هتخاف علي الولاد وتقولي اسيبهم معاها وانا مش عايز الاولاد يقعدوا عندها .
مروان عموما عدي النهاردة وشوف الموقف ده هيتكرر بكره تاني ولا لأ وبعدها نشوف هتتصرف أزاي .
يجلس مروان وبجواره زوجته ميادة بعدما أنهي المكالمة مع إيهاب .
ميادة كنت بتكلم مين
مروان ده إيهاب زميلي في الشغل .
ميادة مش ده اللي لسه مراته ماټت من ايام
مروان يضحك ماټت ورجعت تاني .
ميادة ازاي مش فاهمة
مروان زي ما سمعتي بيحكيلي أنه لما رجع البيت لقي اكل مطبوخ والشقة نضيفة ومترتبة ده غير ولاده اللي بيقولوا ان مامتهم جات وأكلتهم وقعدت لعبت معاهم .
ميادة بسم الله الرحمن الرحيم دي تبقي روحها يا مروان هي اللي رجعت البيت علشان تطمن علي عيالها !!!
مروان رغم اني مش بصدق اوي في الكلام ده لكن انا برضو بيتهيألي كده .
ميادة....
الحلقة الثالثة
يشعر إيهاب بأن شخصا ما دخل الي الغرفة واقترب حتي جلس علي السرير
يفتح إيهاب عينيه فيجد سحر جالسه علي السرير امامه مباشرة !!!
يعتدل إيهاب ويفتح عينتاه عن اخرهما يريد ان يقوم لينير إضاءة الغرفة فتمسكه سحر لتمنعه !!!!
يسألها إيهاب انتي مين انتي سحر
تبتسم سحر في صمت ولا ترد
عليه !!!
إيهاب انتي رجعتي أزاي مش انتي موتتي
تنظر له سحر ايضا في صمت ولا ترد عليه !!!
إيهاب انتي مبتتكلميش ليه
سحر تشير له برأسها علي الأطفال
إيهاب انتي وحشتيني اوي اوي يا سحر .
ثم يقترب منها ليمسكها فتمسك يده ثم تشير له بيدها للقيام .
يقوم إيهاب وتظل سحر ممسكه بيده وتسير وهو في يدها حتي يخرجا من الغرفة .
تسير سحر ممسكة بيد إيهاب حتي يجلسا علي كنبة الانترية .
إيهاب يا حبيبتي مبتتكلميش ليه
تنظر سحر اليه وتبتسم .
إيهاب انتي وحشتيني اوي ويضع يده علي شعرها ويقترب منها ويحت ضنها ويقرب شفاهه منها......
وفجأة..... يرن صوت المنبه العالي فيفتح إيهاب عينيه ليجد ابناؤه نائمين بجواره !!!
ينظر في الهاتف ليجد الساعة ٧ صباحا
يعتدل ايهاب ليجلس و يقول يا خسارة كان نفسي ميكونش حلم كان نفسي تكون حقيقة يا خسارة يا سحر كان نفسي بجد تكوني لسه عايشة .
ايقظ إيهاب ابناؤه وجلس يتناول الإفطار و هم بجواره ويقول لهم انا رايح الشغل وعايزكم تبقوا شاطرين و محدش يعمل شقاوة .
يوسف حاضريا بابا احنا مبنعملش شقاوة .
أيهاب هيه ماما لما جات البارح كان معها مفتاح و فتحت الباب لوحدها
يوسف معرفش يا بابا احنا فجأة لقينا ماما واقفة قدامنا .
إيهاب طيب يا حبيبي انا ماشي بقي علشان اتأخرت علي الشغل ولو فيه اي حاجة ابقي اتصل بيا .
ذهب ايهاب الي عمله ومازال كل
ما حدث بالإمس يدور في تفكيره حتي الحلم الذي رأه ليلا .
وفجأة تذكر حينما كان يحمل نعش سحر ويسير به مع الأخرين وسمع صوت دقات من داخله !!!
لكن كيف وقد تأكد بنفسه بعد ذلك من أن سحر ماټت بالفعل حينما رأها ساكنة في التابوت !!!!
يجلس إيهاب علي كرسي مكتبه وفي المقابل يجلس صديقه مروان الذي لاحظ عليه الاستغراق في التفكير !! فيسأله مروان عملت ايه يا هوبا البارح بعد ما قفلت معايا
إيهاب البارح يا مروان كان يوم غريب جدا .
مروان ليه حصل حاجة تاني
إيهاب ايوه بعد ما دخلت انام انا والعيال سمعت صوت حاجة وقعت في المطبخ ولما روحت أشوف لقيت ملعقة واقعة علي الأرض في مكان غريب معرفش وقعت أزاي .
مروان عادي عادي بتحصل كتير انت بس علشان الموضوع في دماغك .
إيهاب ولما نمت بعدها حلمت بسحر بتفتح باب الأوضة ودخلت وقعدت جنبي علي السرير ولما صحيت اخدتني من ايدي وخرجنا للريسبشن .
مروان وبعدين
إيهاب بعدها صحيت من النوم كنت في سريري بس عايز اقولك يا مروان اني مش متأكد اذا كان اللي حصل ده حلم ولا حقيقة !!!
مروان أنت لسه كنت بتقول انه حلم .
إيهاب لما صحيت من النوم حسيت انه كان حلم لكن لما افتكرت اللي حصل بيتهيألي أنه كان حقيقة مش حلم .
مروان أنت هتدوخني معاك ليه حلم ولا حقيقة
إيهاب والله مش عارف يا مروان بجد .
مروان حتي لو قولتلي أنه حقيقة هقولك لأ ده حلم انت حلمته لسببين اولا كلام ولادك والاكل اللي روحت لقيته جاهز ومن ناحية تانية سوري يعني اكيد هيه وحشتك .
إيهاب جايز يكون معاك حق يا مروان لكن جايز برضو يكون فيه حاجة تانية
مروان حاجة تانية زي ايه
إيهاب معرفش بس عندي احساس ان روح سحر معانا في البيت .
مروان أنا عندي خال مراتي له في المواضيع دي ممكن نكلمه يساعدك .
إيهاب لما أتأكد الأول يا مروان .
عاد ايهاب في اخر اليوم الي منزله
يفتح إيهاب باب الشقة ويدخل .
إيهاب حبايب بابا وحشتوني اوي .
يجري اليه يوسف وسيف ويحتضنانه
إيهاب ها عملتوا ايه النهاردة
سيف مش عملنا شقاوة .
إيهاب شاطر يا سيوفه يا حبيبي .
يوسف فين الشيكولاته بقي
إيهاب وادي الشيكولاته اهي
ويخرج من جيبه الشيكولاته لأولاده
إيهاب قولولي بقي ماما جات النهاردة وقعدت معاكو زي البارح
سيف لأ يا بابا مش جات علشان خاطري يا بابا خليها تيجي تلعب معانا كل يوم .
يحتضن إيهاب ابنه ويقول حاضر يا حبيبي هقولها .
ينظر إيهاب الي أنحاء الشقة فيجدها غير مرتبة مثلما حدث بالأمس فيتأكد من كلام ابنه .
ثم يتجه الي غرفة النوم يدخل إيهاب غرفته فيجد ملابسه مبعثرة علي السرير كما تركها صباحا .
يبتسم ايهاب و
