لست خاطئه

ياريت تشوفوا طريقه تانيه برضو توفروا بيها الډم المناسب ليه
اخدت الممرضه العينه منها وبعتتها للمعمل
رجعت الممرضه بعدها بفتره وقالت ليها وهى بتنظر ليها نظره مش مفهومه 
صفاء ها صدقتينى قولتلك انتوا بتضيعوا وقت على الفاضي 
الممرضه هو انا ممكن اسال حضرتك سؤال هو انا ماليش حق بس مجرد فضول 
صفاءاسألى 
الممرضه هو حضرتك الدكتور عرفك ان الاستاذ مازن بعد الحاډث
ده هيكون غير قادر على الانجاب فحضرتك قررتى انك تنفصلي عنه وعشان كده مش عاوزه تتبرعي ليه بدمك 
صفاء ايه الكلام الغريب اللى بتقوليه ده واللف والدوران ده انا مش فاهمه حاجه

الممرضه لا ابدا دا مجرد تخمين مني عشان حضرتك اتدعيتى ان عندك مرض فظيع زي ده عشان ما تتبرعيش لزوجك فى ظروف زى دي بدمك بينى بدأت اخرف 
ما علينا سيبك حضرتك مني 
حضرتك جهزي نفسك عشان هننقل ډم من حضرتك لأستاذ مازن 
صفاء انتى تقصدى ان التحاليل بينت انى كويسه ومعنديش حاجه 
الممرصه ايوه حضرتك ماعندكيش اى حاجه خالص
صفاء قامت وقفت على رجلها من فرحتها بكلام الممرضه ومسكت فى كتافها انتى متأكده سمعينى تانى والنبي 
الممرضه مستغربه اوى من رد فعلها ومن وقفتها على قدمها المصابه بالشكل ده 
صفاء ردى عليا انا ماعنديش حاجه فعلا
الممرصه ايوه هو فى ايه مالك يا استاذه 
صفاء مش مصدقه
طب كا تاخدوا عينه تانى وعيدوا التحاليل واتأكدوا 
الممرضه يا استاذه صفاء احنا متأكدين من ده مائه فى المائه دى روح بنى ادم اتفضلي بقى معايا ونامى على السرير 
راحت صفاء نايمه على السرير وراحت معاها وهى سرحانه ومش مصدقه اللى حصل 
وفعلا نقلوا ډم منها لمازن ورجعت هى غرفتها 
وفضلت تفكر لما انا كويسه ومعنديش حاجه امال التحاليل اللى فاتت دى ايه والدكتورين دول ايه 
انا مش فاهمه حاجه ياترى فى ايه بظبط 
وفضلت تفكر فى كل حاجه وكلام زوجها وكلام الدكتور وحرص مازن ان موضوع مرضي يكون فى أضيق نطاق وكلامه عن انها لازم تتنازل له عن إدارة الشركه وانها ترتاح فى البيت
واستنتجت من كده ان دا كل
لعبه من زوجها وكل ما تفتكر كل كلمه تتأكد انه هو اللى وراء كل