لست خاطئه

واى قرار هيكون بعد موافقتك طبعا ما تقلقيش ابدا 
انت افضل حاجه ليكى الفتره اللى جايه دى تسافري تشوفى الدنيا تروحى أماكن هاديه ومريحه نفسيا وعصابيا عشان ده يساعد على تقوية المناعه ومحاربة المړض ده احنا محتاجينك ياقلبي
صفاء ربنا يسهل الا صحيح انت عرضت التحاليل والتقرير على دكتور العائله 
مازن انتى اتجننتى انتى عوزانى بعد ما عرفت ان نتيجة التحاليل وانك مصابه بالمړض اللعېن ده اروح لدكتور كل العائله عنده عشان نتفضح وتبقى سرتنا على كل لسان أفراد العائله وكل شويه القى اللى يتصل عليا ويقول لى الف سلامه وده جالها من ايه ده 

انا اعرف ان مالوش غير سبب واحد بس معقوله صفاء تعمل كده لا انا مش مصدق
واللى تتصل تشمت فيا واللى يعمل اننا صعبانين عليه ونبقي حديث العائله لا طبعا انا عرضتها على دكتور تانى ما يعرفناش بس الناس بتشكر فيه
وكمان ما تكتفتش بكده وجبت الدكتور اللى جه وشافك بيتهيألي لي كويس كده وبلاش فضايح 
اكتر من كده 
صفاء طب بعد اذنك انا عوزاك تعمل تحاليل انت كمان عشان انا متأكده ان المړض ده جانى منك ومافيش احتمال تانى 
مازن بردو مصممه نكمل شوشرة علينا 
صفاء انت بتستعبط شوشرة ايه فى انك تعمل تحاليل وبعدين انا ما يفرقش معايا حد انا عارفه نفسي كويس اوى ومتأكده انى معاملتش حاجه غلط ولازم انت كمان تبقى متأكد من كده 
مازن خلاص وانتى لازم تبقى واثقه فيا ومتاكده انى عمرى ما غلطت 
مازن الفكره مش فى عمايل التحاليل الفكره انك شكيتى فيا وانا اللى لاغى عقلى عشان بحبك ومش مصدق الحقيقه اللى أمام عينى وسمعتها بودانى وواضحه وضوح الشمس وكدبت كل ده عشان ثقتى فيك 
صفاء سيبك من كل الكلام ده انت هتعمل تحاليل يعنى هتعمل تحاليل
انا لازم اعرف الحقيقه انا لو فضلت كده هتجنن لو معملتش التحاليل انا هعتبرك انك خونتنى وهسحب منك كل الصلاحيات اللى اتدهالك فى الشركه ومش هخليك تهوب ناحية الشركه ونعمل توكيل لاختى بالاداره وهخليها تمسك هى الشركه 
مازن خلاص ماشي هعمل التحاليل
صفاء وهكون معاك