حماتي المفتريه
الله على السلامة يارب تكوني جبت الواد عشان قلبي يرتاح
بصيت لها ومردش عليها ودخلت اوضتي وماما جايه ورايا وحماتي قالت لأحمد
الحما
هي مالها مرتك يا احمد شكلها عامل كده ليه زي اللي ماتكون مضړوبه علقھ
ردت ماما عليها وقالت
مفيش ياحبيبتي ولا علقھ ولا بتاع دي أصلها لسه وتعبانة ولا انتي متعرفيش ان لما الواحده تبقا والده مبتقدرش ترد على حد
ودخلت ماما عندي وقالت
هي ايه الوليه حماتك دي هي مش بتفهم في الأصول والزوق ابدا كده قال بتقولو هي مراتك مضړوبه علقھ ولا ايه كاتها علقھ تاخدها وتريحنا منها
سهير
انا مش عارفه هلاحقها منين ولا منين دلوقتي احمد هيعملي مشكلة بسبب سي شريف ابن خالتي ده وامه هتعمل مشكلة لما تعرف اني خلفت بنت انا مش عارفه اعمل ايه ياماما
هتعملي ايه ياحبيبتي هي الخلفه دي بايدك انتي هو انتي اللي خلفتي العيل ولا العيله دي ده ربنا هو اللي اديها لك ياقلب امك وبعدين كمان جوزك يعمل لك مشكلة ليه مش كتر خير ابن خالتك انه جه ووصلنا ولا كنا نروح حريم لوحدينا
سهير
ربنا يسترها بقا لما اشوف ايه اللي هيحصل
ودخلت مروة عندي وقالت
هي الوليه حماتك البومة دي مالها عامله كده ليه اعوذ بالله دي الوليه مش طايقة نفسها خالص
سهير
انتي تسكتي يامروة خالص ومتتكلميش ولا كلمة مش كفايه المشكله اللي عملتيها لي في المستشفى
مروة
مش انتي اللي كلمتي ابن خالتك عشان يجي يوصلنا المستشفى ومكنتيش عايزة احمد جوزي يجي والكلام اللي قولتيه قدام جوزي ده كله ايه معملتيش حاجة
ياختي الحق عليا اني عايزة مصلحتك كتك القرف ده حتى شريف ناوي يعيشك في نعيم انتي وبناتك بدل الفقر ده هو وامه
سهير
انتي تسكتي خالص ومتتكلميش انتي سامعه ولا لا
الام
ماخلاص بقا يابت منك ليها انتو ايه عايزين الوليه اللي بره دي تشمت فينا وتقول ان بناتى ماسكين في بعض أخرسو بقا
وبره في الصاله كان اقعد احمد مع امه وقالت له
مالك يا احمد في ايه من ساعت لما دخلت من بره وانت قالب وشك لا وكمان البت مراتك هي كمان قالبه وشها هو ايه بالظبط طمني
احمد
مفيش حاجة يا أمي قولت لك مفيش حاجة
الام
طيب انا داخله لمراتك اطمن عليها هي ولدك
الحما
عامله ايه دلوقتي ياسهير ايه لسه مش عايزة تتكلمي ده انا حتى لسه لحد دلوقتي معرفتش اني خلفتي ايه هو انتي مش عايزاني اشوف العيل اللي جبتيه
سهير
لا ابدا ازاى بس أصل ااا......
الحما
اصل ايه ياحبيبتي ايه الكلام واقف في زورك ومش عارفه تنطفي ولا ايه
ماما قالت لها
جرا
ايه يا احمد هو في ايه ياحبيبتي ماقولت لك ان بنتي تعبانة دلوقتي ومش حمل مناهدة ولا كلام الله
الحما
ياحبيبتي ربنا يشفيها بس اني عايزة اشوف الواد اللي ابنة خلفه ولا مليش حق اشوف
سكت انا وماما وبصينا لبعض ومروة قالت لها
وراحت مروة شالت البنت وقالت لحماتي امسكي
مروه
ياطنط شيلي بنت أحمد بنوته انما ايه مشاء الله تبارك الله قمر كده
حماتي مسكت بنتي واتعصبت وقالت انتي بتقولي اييييه بت بت ايييه ياختي وادي ابعدي البت دي عني وراحت حماتي رامية بنتي على الأرض وفضلت تسرخ
انا وماما اټصدمنا وماما قالت لها
ينهارك اسود ومنيل انتي بترمي العيلة اللي لسه مولوده في الأرض انتي اټجننتي ياوليه انتي في دماغك
وساعتها جريت على بنتي اللي في الأرض مع اني كنت تعبانة ومش قادرة اتحرك بس لما شوفت بنتي عي الأرض سرخت وقولت
سهير
بنتييي شوفيها ياماما جرا لها حاجة والنبي طمنيني عليها
الام
اطمني يابنتي الحمد لله كويسه بس لازم اروح اكشف عليها وبصت لحماتي انتي ياوليه انتي مفيش في قلبك رحمة في حد يرمي عيله عمرها ساعات انتي ايه
سهير
حرام عليكي انتي قلبك حجر ليه كده هي البنت ايه والولد ايه وبعدين هدية من عند ربنا ليا انا وابنك ليه تعملي كده
ودخل احمد علي زعيقنا وقال
هو ايه انت بتزعقو ليه كده
الحما
تعالي شوف يا أحمد اللي بيحصل لأمك من الحجر دول حماتك ومراتك طالعين فيا وعايزين ياكلوني
الام
حجر احنا حجر ياوليه والله ماحد حجر غيرك انتي
أحمد
ميصحش كده ياحماتي وعيب لما تتكلمي مع
