حماتي وجوزي
اللي مخوفك بقا
رقيه
مش عارفه مش مرتاحلها خالص وحاسه انها ناويه على حاجة ربنا يستر
ناهد
يابت متبقيش جبانة كده والست كتر خيرها انها جات تعزمك وبعدين يا رقيه انتي حلوه وصغيرة وجوزك راح ومن حقك تعيشي حياتك اكيد حماتك عملت حساب لكده
رقيه
يمكن برضو على العموم انا هتصل باايهاب واقوله هو الفرح فاضل عليه يومين
وجه يوم الفرح وراحت رقية ومعاها إيهاب حماتها قالت لهم
اهلا بعريس مرات ابني
إيهاب
اهلا وسهلا بحضرتك
رقيه
اهلا بيكي ياماما انا هاروح اسلم على العروسة ممكن يا إيهاب تقف مع حماتي لحظه بس وهارجعلك
سميرة
إيهاب
إيهاب اسمي إيهاب الفرح منور بحضرتك طبعا بصراحه لما رقيه قالت لي انك عزمتيني معاها قولت لازم اجي واتعرف عليكي وابارك للعروسين
سميرة
اه منا برضو بفهم في الأصول يا استاذ إيهاب هي لما رقيه قالت إنها عايزة تتجوز بعد طبعا مينفعش اعترض دي برضو مهما ان كانت لسه صغيره والمفروض تفرح بشبابها مش تتدفن بالحيا
إيهاب
عين العقل والله يا مدام سميرة وبالمناسبة اسمحيلي اقولك يامدام لاني شايفك صغيرة اوي على كلمة طنط دي
سميرة
فرحت بكلامة وعيونها لمعت وقالت
ميرسي يا استاذ إيهاب ده من زوقك والله ده انا شكلي هحب البت رقيه اوي عشان عرفت واحد زوق ولسانة حلو زيك
انا يا مدام سميرة بتشغل في السياحة والتحف والانتيكات وعشان كده بقدر الجمال جدا وبصراحه لما شوفت لقيت كلك انوثة غير بنات الجيل ده خالص
سميرة عيونها لمعت اكتر وقالت
احم ههههه بصراحة مش عارفه اقولك ايه
وفي اللحظة جات رقية وقالت
مش يلا بقا يا إيهاب نمشي عشان انت تلحق تسافر
سميرة بسرعه قالت
لا لا تمشو فين يارقية انتو قاعدين شوية ده لسه السهرة بدري
رقيه
معلش ياماما لازم نمشي
سميرة
طيب يا استاذ إيهاب ابقي خلينا نشوفك تاني واخدت رقيه علي جنب وقالت لها
بت يا رقيه ابقي هاتي خطيبك وتعالو اتغدو عندي الجمعة الجايه هستناكم
طيب ياماما حاضر هاقول لايهاب واشوف ظروفه ايه
سميره
طيب بس لازم تيجو ماشي يابت
رقيه استغربت وقالت
حاضر حاضر ياماما هي حماتي مالها
ومشيو ورجعت سميرة بعد الفرح البيت وفضلت تبص لنفسها في المرايه وقالت
والنبي يابت يا سميرة انتي فعلا حلوه ولسه صغيرة وبتتعاكسي والواد كمان حليوه اوي ولسانه حلو يخربيته بقت ده هيتجوز البت العره اللي اسمها رقيه دي لااا ده انا لازم اخده في صفي
وبعد كام يوم سميرة اتصلت برقيه وقالت
اوعو متجوش بكرة يا رقيه انا هستناكم انتي وايهاب
رقيه
مش عارفه ياماما بس احتمال منعرفش نيجي
نعم ياختي وليه بقا ان شاء الله لااا بقولك ايه انا عملت حسابي خلاص يعني لازم تيجو
رقيه باستغراب
هو في ايه ياماما انتي مصممة اننا نيجي عندك ليه
سميرة ارتبكت وقالت
ها ابدا هيكون ليه يعني يابنتي الحق عليا اني عايزة ابين للعريس بتاعك انك ليكي عيلة واعرفه اننا ناس كرمة
رقيه
كتر خيرك والله ياماما طول عمري بقول عليكي انك زي مامتي الله يرحمها وبعزك زيها
سميرة
امال يا رقيه هو انا ياحبيبتي ليا غيرك انتي ومنال دلوقتي
رقيه
ربنا يخليكي لينا خلاص احنا هنيجي
وفعلا راحت رقيه وإيهاب عند سميرة وطول الاقعدة سميرة مشالتش عيونها من على إيهاب
رقيه
تسلم ايدك ياماما الاكل كان تحفة
سميرة
اومال يعنى معرفتش رايك يا استاذ إيهاب
إيهاب
بصراحة الاكل كان لذيذ جدا تسلم ايدك وكفاية اننا تعبناكي لحد ماحضرتيه
سميرة بدلع
انت تعبك راحة والله
رقيه اخدت بالها من تصرفات حماتها وقالت
يلا يا إيهاب نمشي عشان متاخرش
سميرة بسرعه
الله جرا ايه يا رقيه هو انتي دايما مستعجله كده ده لسه هدوق الاستاذ إيهاب الحلو بتاعي ادخلي المطبخ وهاتي اطباق الحلو
إيهاب
بصراحة انا مبقاش عندي مكان عشان اكل تاني كفايه كده يامدام سميرة
سميرة
لا ازاى بقا لازم تدوق يلا يابت ادخلي المطبخ
رقيه بضيق
حاااضر
ودخلت المطبخ وايهاب قال
على فكرة ياريت بلاش تقولي لي يا استاذ دي خليها إيهاب علطول
سميرة
والله انا قولت انك فعلا كلك زوق ويابختها بيك البت رقيه دي
إيهاب بصلها باستغراب وسكت
وخلص اليوم ومشيت رقيه وايهاب قالها
والله لطيفة اوي حماتك دي يا رقيه تحسي كده انها ست مودرن ومش معقده زي ماكنتي بتحكي عنها
رقيه
والله يا إيهاب انا نفسي مستغربة من تصرفاتها دي دي مكنتش كده خالص دي اتبدلت بس هي ليه بتتعامل معاك كده
إيهاب
بتتعامل ازاى يعنى الست عايزة تبينلي انها كريمة وصاحبة واجب انتي اللي مصوراها لي
