أسيره الشيطان

لحد البيت 
رؤي بحزن علي فكرة أنت مش بتثق فيا 
جاسر بغيظ يا مصبر الۏحش على الجحش ايه علاقة دا بالثقة انتي عايزة خناقة وخلاص
رؤي بضيق أنا الي عايزة خناقة ولا أنت الي عصبي 
جاسر بجمود والله دا بيتي وأجيب فيه الي أنا عايزه 
رؤي پانكسار صح في دي عندك حق أنا آسفة
كادت أن ترحل من امامه عندما امسك برسغ يدها 
جاسر بضيق استني عندك وبعدين يا رؤي العيشة كدة مش هتنفع أنا بحب عندك آه بس ما تزودهوش مالك يا رؤي ليه مصرة إن الي اسمه عمرو دا يجي بعد الي حصل اكيد عندك سبب وأحب اعرفه
رؤي بدموع عشان هو قال عليك مريض ومچنون فأنا كنت عايزاه يحضر الحفلة عشان والله ايمان وحشتني وعشان يعرف أنك مش مريض ولا مچنون وأنك اعقل واحن إنسان في الدنيا

تلاشي غضبه كله وكأنه لم يكن موجود بالأساس عزفت ابتسامته الحنونة الصافية انغامها العذبة علي اوتار شفتيه
جاسر بمكر ما اكنتش أعرف أني أعقل واحن إنسان في الدنيا 
رؤي بخجل ااانت انت أنت رخم على فكرة سيب ايدي

عشان أروح لنرمين
جاسر مبتسما
بخبث ولو ما سبتهاش 
رؤي بخجل هعيط والله هعيط 
اڼفجر جاسر في الضحك حتي ادمعت عينيه مش بقولك انتي عسل 
رؤي بضيق طب سبني يا طحينة 
جاسر بخبث ما تيجي نحط العسل علي الطحينة وندوبهم في بعض 
رؤي بخجل
أنت
جاسر بشعف أنا ايه
رؤي بخجل أنت
واردف هامسا أنا بحبك 
سمع فجاءه صوت اخته تنادي عليهم يا جاسر يا رؤي انتوا نمتوا 
فرت رؤي سريعا من امام جاسر وذهبت ناحية الباب وفتحته 
رؤي سريعا لاء يا نيرو صاحيين
نرمين بضيق طب يلا مش عايزة افطر لوحدي 
رؤي حاضر جاين وراكي
تركتها نرمين ونزلت لأسفل 
جاسر بضيق علي النعمة الجوازة دي منظورة
رؤي ضاحكة أنت الي قليل الأدب
جاسر بخبث اضحكي اضحكي راجعلك بليل 
رؤي مغيرة مجري الحديث ممكن اطلب منك طلب
جاسر ببرود وهو يعقد جرافت بدلته لاء عشان انتي طلباتك رخمة زيك
رؤي بغيظ أنا رخمة الله يسامحك 
جاسر اخلصي يا رؤي عايزة ايه 
عقدت ذراعيها أمام صدرها وانكمشت ملامحها بضيق طفولي خلاص مش عايزة حاجة
ارتسمت ابتسامة صغيرة علي شفتيه فتلك الصغيرة تثير فيه مشاعر كثيرة ومنها مشاعر الابوة 
تحرك نحوها الي أن وقف أمامها مباشرة فامسك كتفيها بحنان خلاص ما تزعليش حقك عليا يااحلي لمضة شوفتها في عمري كله ها بقي يا ستي كنتي عايزة ايه
رؤي پخوف هتعزم إيمان وعمرو
جاسر مبتسما هعزم إيمان وعمرو حاضر ايه تاني
رفعت عينيها تنظر لعينيه برجاء نفسي تحفظني القرآن 
اتسعت ابتسامته الحنونة اردف بصدق بس كدة من عينيا شوفي عايزة تبداي من أمتي وأنا معاكي
رؤي بحماس من النهاردة 
جاسر مبتسما من النهاردة يا شيخة رؤي مبسوطة كدة يا ستي
رؤي بسعادة أوي أوي ربنا يخليك ليا يا رب 
جاسر بحنان ويخليكي ليا يا احلي رؤي في الدنيا
رؤي بمرح لتداري خجلها علي فكرة نرمين هتطلع تشتمنا بقالها ساعة مستنيانا 
جاسر ضاحكا قدامي يا لمضة 
نزل جاسر ورؤي لأسفل 
نرمين بضيق اخيرا البهوات نزلوا 
جاسر ضاحكا معلش يا ستي سماح المرادي نظر في ساعته لتتسع عينيه پصدمة فأردف سريعا يا نهار أبيض دا أنت اتأخرت اوي يلا سلام عليكم
رؤي نرمين وعليكم السلام
ذهب جاسر الي شركته ومنها الي مكتبه
جاسر للسكرتيرة شوفيلي علي فين
السكرتيرة حاضر يا افندم 
خرجت السكرتيرة من الغرفة فأخرج جاسر هاتفه وطلب ذلك الرقم
جاسر ايه يا فتحي بقالي كام يوم بتصل بيك
فتحي خير يا باشا
جاسر صبري الدمنهوري أراضيه فين
فتحي ما اعرفش 
جاسر بحدة يعني ايه ما تعرفش احنا هنهزر يا فتحي
فتحي لا يا باشا أنا مش بهزر أنا فعلا ما اعرفش هو فين قلبت عليه الدنيا مش لاقيه وعلي فكرة يا باشا أنا مستقيل
جاسر بحدة م وايه يا اخويا ودا من ايه إن شاء الله
فتحي دا الي عندي يا باشا أنا مش هرجع للشغلانة دي تاني بس أنا ليا رجاء عند سيادتك بالله عليك ما تأذيش شاهندا تاني
جاسر ساخرا دا أنت حبيتها بقي 
فتحي للأسف آه وللأسف ضاعت مني ومش لاقيها سلام يا باشا
اغلق فتحي الخط فابعد جاسر الهاتف عن أذنه يبظر له بدهشة يا ابن المچنونة هو أنا كل ما أتجوز واحدة الاقي واحد تاني بيحبها 
تهاني عاصم بيحبها شاهندا فتحي بيحبها ثم اكمل بغل حتي رؤي الزفت لو لسه بيحبها همحيه من وعلي وش الدنيا
علي أنت بتكلم نفسك
جاسر ها لا ابدا
علي خير يا سيدي عايزني في ايه
جاسر آه أنت معزوم عندي النهاردة أنت ووالدتك عامل حفلة عائلية لينا بمناسبة خروج نرمين من المصحة 
علي بسعادة بجد ألف حمد لله على سلامتها طبعا هنكون أول الموجودين
جاسر تسلم يا صاحبي 
دقت السكرتيرة الباب ودخلت جاسر باشا أستاذ حسين من الحسابات عايز يقابل حضرتك
جاسر دخليه ولما يجي في اي وقت خليه يدخل على طول
عقدت السكرتيرة حاجبيها بدهشة حاضر يا باشا
خرجت السكرتيرة فدخل حسين 
حسين صباح الخير يا افندم 
جاسر مبتسما افندم ايه بس يا حمايا اتفضل اقعد 
جلس حسين علي الكرسي المقابل لعلي 
حسين بلهفة طمني