نباش القپور
انت في الصفحة 1 من صفحتين
قصة ړعب النباش الجزء الأول
عمري مفكرت اني هييجي يوم واحكي فيه اللي حصلي انا شغال شغلانه هي بتتحدد اول مبتولد وزي موالدي وافق بيها كان لازم انا كمان اوافق بيها ( اهي شغلانه الحمدلله والسلام) ايه الشغلانه اللي بتتحدد من قبل متولد.. انا شغال تربي بس ايه....... تربي ابا عن جد متجوز ومخلف ربيع وزي منا مكانش ليا راي في الدراسه قررت اني هعلمه واخليه يطلع معاه شهاده كبيره بس هو محبش العلام وطلع منه وقرر انه يشتغل شغلانه ابوه.
فيوم كنا قاعدين انا وام ربيع وربيع عالساعه 2.30 بالليل مره واحده سمعنا الباب بيخبط بس الخبطه كانت شديده شويتين قومت بسرعه وبقول مين اللي جاي دلوقتي يمكن حد عايزني افتح التربه عشان فيه دفنه الصبح لقيت مراتي بتقولي خير خير فتحت الباب وشوفت شخص كان لابس شيك جدا وكان معاه ناس كتيروكلهم كانو واقفين زي صف بس..... ورا الراجل اللي لابس شيك وفي تابوت قدامهم لقيته بيقول تربه جلال قولتله مالها قالي هنزل فيها الامانه ديه
قولتله ازاي محدش اتصل بيا من كام ساعه عشان افتح التربه وتتهوي قالي مفيش حد كان معاه رقمك طلبت اشوف التصريح بتاع الډفن لكنه حط ايده في جيبه وطلع رزمه فلوس كتير اوي وقالي احنا عينينا ليك بس نخلص النهارده والحاجه تنزل سكت الصراحه منظر الفلوس يخلي الجبل يتحرك.
قصص ړعب في المقاپر الجزء الثاني
روحت عند التربه اللي قال عليها وفتحتها وطلبت منهم انهم يستنوا عقبال منزل انضف التربه من اي عضم.... وانا نازل سالت هي الچثه راجل ولا حرمه بس ملاقيتش حد من اللي واقفين معاه رد
