رواية انتصار قلب بقلم ايمان الصياد (الكاملة)

وريهام بصو ع الصوت بخضه وأول مشافو معتصم ابتسمو وهو قعد وماتكلمش ...
ساره وبعدين بقا انت اول مره تعمل كدابتتجاهل وجودنا ليه حتى لو غلطنا المفروض مايكونش عقابك كدا ثم ان ريهام مالهاش ذنب ف حاجه أصلا وانا ال قلتلها ماتقلكش....
معتصم ماردش عليها وكأنه ماسمعش والا كلمه بس بص ع ريهام وال اعترف لنفسه انها كانت وحشاه بطريقه غريبه وجديده لأنه لأول مره مايحسش انها مش اخته او اشتياقه ليها مش اشتياق أخت خالص...
ريهام كانت ضربات قلبها سريعه
حاسه إنها كانت تايهه من غيره وان قلبها رجع ينبض بس من اول ماقعد معاهم ....
معتصم ماقولتوش يعنى كنتو عايزين تعرفو مين او تتعرفو ع مين
ساره انت ليه بقيت كدا ليه عاوز تخسر الكل 
معتصم بسخريه انا انا برضو والا إنتو واحده راحه تحب واحد مايستهلش والتانيه بتدارى عليها بعد كل دا انا ال وحش وانا ال إتغيرت مش كدا!
ريهام بحزن وتبرير طول عمرك كنت سند لينا ليه دلوقت بتتخلى عننا إحنا لاتنبنليه ماعرفتناش الصح من الغلط زى كل مره ليه المره دى بعدت عننا 
ريهام كانت بتتكلم وعنيها ف عين معتصم والأول مره معتصم يشوف ريهام بمنظور تانى خالص غير دور أخته ....
ساره انسحبت وحست ان فيه حاجه كبيره هاتحصل مابينهم ....
معتصم وريهام ماحسوش بيها أصلا ....
ولاتنين سارحين ف عيون بعض وكل واحد بيحكى للتانى قد ايه هو كان واحشه وان غيابهم عن بعض فرق جدا مع كل واحد فيهم
قطع الصمت دا كلمه معتصم وال خليت ريهام وشها جاب ألوان وضربات قلبها ارتفعت مره واحده وكأنها بتعلن عن بدايه حياه جميله
معتصم بحبك
رغم بساطه الكلمه وحروفها ال تتعد ع الصوابع لكن خله ريهام تطير ف سابع سما وكأنها ملكه متوجه.....
أما معتصم فهو مش فاهم اذا كان قال الكلمه دى فعلا والا دى تهيؤات. ... ....لحظه بس ليه حاسس ان قلبه فرحان كدا ليه حاسس ان قلبه بدء ينبض من جديد ليه عاوز يسمع إسمه من بين شفايفها ف اللحظه دى بالذات أسأله كتيره وإجابتها بتتلخص ف الحب الحب وبس وأول ماوصل للنقطه دى عرف ان ريهام عمرها مكانت أخته والا هتكون.............
...................................
باليل ف اوضه ملك كانت سلمى بتنيمها وبعد وقت من نوم ملك سلمى
خرجت ودخلت أوضتها...
مراد ف الرسبشن قاعد مخڼوق مش عارف اذاى هايقول لسلمى ع خبر قتل مامتها حاسس إنها هاتنهار ومش هاتستحمل...اخيرا قرر انها لازم تعرف...وقف قدام باب أوضتها ونقدر نقول اوضتها لانها رفضت ترجع اوضه مراد تانى بعد الاهانه ال اتعرضتلها من وجهه نظرها ..مراد خبط كام خبطه ودخل بص ف الأوضه واستغرب جدا إن سلمى مش موجوده لكن لحظه ماقرر يخرج كانت سلمى خارجه من حمام أوضتها.....لاتنين اتفاجئو ببعض
سلمى وقفت مصدومه من وجود مراد الغير متوقع.. ..
ومراد حس ان الأوضه داقت بيه وكأنها متر ف متر!مشى بهدوء لغايه عندها وأول ماوقف قدامها ماقدرش انه يسيطر على أعصابه كتير ومع استسلام سلمى كانت النتيجه مرضيه للطرفين
وبعد وقت أصبحت سلمى ومراد شخص واحد فقط.......
ف اوضه مراد كان بيكسر ف كل شىء يجى قدامه ...
أما سلمى فدموعها كانت نازله ومش عارفه تعمل ايه تقرب والا تبعد اختيارين أصعب من بعض ف الآخر قررت إنها تتصل بمروان...
مروان نزل وهو مڤزوع والفزع والخۏف ذادو أكتر اول ماشاف مراد بالحاله دى 
مروان في ايه 
مراد بصله بحزن وڠضب إطلع بره
مروان بعند مش هاخرج لازم أعرف ف ايه
مراد خرج من الأوضه وبعدها من الشقه كلها
ومروان نزل وراه لكن مالحقهوش فأخد عربيته ومشى وراه. .......
ع شطىء البحر وف مكان معين كان مراد قاعد ودموعه بتلمع
مروان من بعيد أول ماشافه إطمن وبهدوء راح وقعد جنبه.......
مروان وبعدين هو انت ليه دايما حابس نفسك ف الماضى ليه مش عاوز تعيش مع إن دا حقك الطبيعى وال ربنا حلله كمان 
مراد لو قلتلك روح اتجوز وعاشر حد غير ساره هايكون ردك ايه 
مروان بهدوء بس ساره عايشه إنما عبير ماټت
مراد پحده ماټت بالنسبه ليك او لأى حد لكن ليا انا لأ هى عايشه ومستحيل تخرج من قلبى...
مروان يبقى ماتظلمش سلمى معاك وسيبها للى يقدرها
مراد پحده إمشى من هنا وماتفكرش تعيد كلامك دا تانى ودى نصيحه منى انا ليك..
مروان بإبتسامه خبيثه اعترف بقا انك بتحبها وانك ماتقدرش تعيش من غيرها والا تقدر تستغنى عنها..وصدقنى حياتك كلها هاتتغير ..
مروان قال جملته ومشى....ومراد فضل قاعد قدام البحر وهو بين ألم قلبه وعند عقله!!!
........................
جمال ورؤف لاتنين قاعدين مع بعض زى كل يوم وفجأه لقو البوليس فوق دماغهم!!
الظابط انت جمال نصر
جمال رد بنعم وهو مړعوپ
وانت رؤف عوض
رؤف كمان رد بنعم ولاتنين مش فاهمين أى حاجه خالص!!ركبو البوكس وكل أهل الحاره بتتفرج إل فرحان وال شمتانوال حزين ع ال إلشباب وصله....
ف القسم كان يوسف منتظهرهم مع الظابط ال هيحقق معاهم...
ف الأول دخل رؤف ومن