رواية انتصار قلب بقلم ايمان الصياد (الكاملة)

أول ماسمعت الكلمه من فرد من افراد الحاره ويادوب هاتعترض كان مراد باصصلها ومتكلم هو طيب موافقين وهو دا اصلا ال كان هايحصل
نصر يبقى بعد الخميس بتاع الحاجه الله يرحمها وخلال الفتره دى حضرتك ماينفعش تيجى هنا
مراد تمام اى طلبات تانيه
نصر بص لإبنه ورؤف وقاله الضړب قصاد العربيه
مراد بسخريه مافيش مشكله
كل واحد مشى لحاله والتجمع اتفض
ومراد وقف تاكسى وركب فيه هو وملك وسلمى
سلمى بعدم استيعاب لكل ال بيحصل انت ليه عملت كدا 
مراد ساكت ومردش ودا نرفز سلمى جدا فتكلمت پغضب انت ازاى
مراد قاطعها بإشاره من إيده ونظره من عيونه خلتها تتراجع عن اى كلمه ممكن تقولها...
وصلت تحت البيت وطلعو والكل ساكت وملك لسه مړعوبه من ال شافته ...
مروان اهلا بلأستاذ
ملك جريت ع مروان وهو رفعها لفوق وبيضحك معاها
وبعدها اتفاجىء بسلمى نزل ملك ووقف قدام سلمى
مروان اخبارك ايه النهارده
سلمى دموعها بتلمع ومش قادره ترد أصلا
مراد فرحنا بعد إسبوع
مروان وقف پصدمه وبعدها قاله بضحك فرح مين معلش!
مراد بجديه بقولك ايه مش ناقصه قلت فرحنا واظن مش فرحى انا وانت يعنى
مروان بزهول طيب فهمنى
سلمى اتدخلت وبصوت عالى قالتانا مش موافقه وبعدين مين ايداك الحق تقول ال انت قولته دا 
مراد ال عاوزك تعرفيه ان انا أصلا مكنتش ممكن اطلب منك الجواز ف يوم من الأيام وال اتعرضناله النهارده هو ال اجبرنى ع كدا
سلمى بدموع بس محدش طلب منك دا انت ال قلت
مراد بسخريه وانتى فاكره انك كان ممكن تقدرى او تعرفى تعيشى ف الحاره دى بعد ال اتقال عليكى!!
سلمى قعدت وخبت وشها بإيدها وصوت شهاقتها عليت
مروان بص لمراد وهو بيقول بترجىممكن تاخد ملك تدخلها أوضتها وانا هاتكلم مع سلمى 
مراد دخل فعلا وسلمى فضلت مع مروان ال قعد قصادها وهو بيقول بصدقأولا لازم يكون عندك ثقه كامله ان مراد مستحيل ېأذيكى ثانيا انا هنا أخ ليكى ودا بجد مش مجرد كلام وبس
ولو اعتبرتينى اخوكى بجد وافقى ع طلب مراد وعازك تعرفى انى هاكون ف ظهرك علطول هو آه مراد الكبير لكن انا هاكون كبيرك إنتى...
جوه عند مراد كان قاعد ع سرير ملك ومش عارف يفكر هل هو صح هل هو غلط مش عارف والمشكله الأكبر ازاى حياته هاتمشى بعد جوازه من سلمى وازاى هايقدر يخون عبير ......
ملك ببراءه يعنى انا كدا هيبقى عندى ماما زى نور صحبتى ي بابا
مراد بص لبنته بحزن وحس انه لازم يفكر ويعيد حسباته من جديد لان بعد جمله بنته عرف انه ماقدرش يقوم بدور الأم أبدااا
قصص وروايات بقلم ايمان الصياد
...........................
مروان ف المستشفى وعماد خبط وداخله
عماد ايه رأيك ف التسجيل
مروان تمام ي وحش المهم دلوقتى الكلب ال وراها
عماد قصدك حسام
مروان وهو فيه غيره
عماد ماهو طلع حسام العمرى
مروان وقف وهو بيقول نعمم
عماد اه والله زى مابقولك كدا
مروان خبط بإيده ع المكتب وهو بيقول الكلب دا لازم يتربى
عماد بس اموت وأعرف هو ليه كارهك كدا من ايام الجامعه
مروان ابتسم وهو بيقولهمانت عارف البنات كلها كانت معايا وهو كان هايموت من الغيظ
عماد بس بجد شابوه ليك ي دكتور يعنى
روح الانحراف عندك عاليه جدا وكمان تخطيطك مافيش احسن منه دا انا ال هو أنا كنت مصدق نفسى جدا وانا بمثل عليها
مروان رجع بظهره لورا وهو بيفتكر خطته وال مالقاش أفضل من عماد علشان ينفزها
فلاش باك
مروان ف شقته الباب رن فتح كان عماد
عماد خير ي عم انت جايبنى ع ملى وشى ليه !ف مصېبه حصلت
مروان بطل رغى واسمعنى كويس
عماد اشقينى
مروان مافيش غيرك ال هايقدر يساعدنى ويخلى صافى تجيب كل ال عندها وتعترف مين قلها تعمل معايا كدا
عماد بجديه لو اقدر انت عارف ماتأخرش أبداا عنك قول
مروان هى خطه بسيطه كل ال عليك انك هاتروح لصافى الشقه
عماد بفزع نهار ابوك إسود شقه شقه أيه انا عاوز ادخل دنيا مش ادخل آخره ع إيد مروه
مروان بتأفف افهم ي غبى مش ال فدماغك
عماد وهو بيبلع ريقه طيب قول وربنا يسترها
مروان هاتروحلها وتفهمها اننا مټخانقين وإنك سبت الشغل معايا وعاوز ټنتقم منى
عماد ياريت بس توضح أكتر لأنى كدا مش فاهمك
مروان ايه ال مش واضح هو انا بتكلم هلوغريفى
عماد طيب انا هاقولها زى انت ماقولت وبعدها اعمل ايه 
مروان ي بنى أدم إفهم
انت هاتفهما انك هاتساعدها إنك انت ال هاتضربلها التحليل وتخلى الليله السوده دى تلبسنى بس المهم انها تعترفلك إن ال ورا الموضوع دا هى وال معاها علشان يبقى كدا انا أخدت دليل برأتى وهى لبست ف حيطه سد ..... .
مروان ابتسم وعماد قاله بتضحك ع ايه ي زفت!!
مروان كنت بفتكر يوم ماقولتلك تعالالى الشقه وقلتلك ع الخطه
عماد لا بجد برافو هى خطه قديمه بس دخلت ع صافى وماصدقت وجابت كل ال عندها
........................................
ف البيت عند ساره فضلت حابسه نفسها ف الاوضه وريهام معاها
معتصم دخل عليهم وهو شايط من أخته وتفكيرها ال