وقفت في وسط الزحمة وأنا ماسكه الكاميرا بقلم الكاتبه شيماء صبحي

وصړخت بغبااء 
طب يا فالحة يا جريئه هتصرفي منيين مشيت وانا بدعي ربنا يصلح حالي والاقي شغل ركبت مواصله واتجهت للبيت وانا بحاول ابان طبيعيه اول مقربت من شقتنا سمعت صوت اشخاص مع ماما فتحت الباب ودخلت بهدوء وكان في ست وجمبها بنت في عمري تقريبا دخل والقيت السلام وهما ردوا ولاكن الست دي قالت اول ماشافتني طيب يا ام ملك هنمشي احنا وهكون مستنيه ردك 
باااس اهي واضحة زي الشمس مدام فيها مستنيه ردك يبق دا عريس 
ماما وقفت تودع الناس وبقت تعزم عليهم يفضلوا شويه بس هما مشيوا وانا استغليت ان ماما مشغوله معاهم وجريت علي اوضتي 
دخلت وانا بدور علي حجه اهرب من العريس دا بس ماما خبطت علي الباب 
اخدت نفس طووويل جدا وماما دخلت 
بصتلي ماما بنص عينيها كدا وانا ابتسمت وهيا قربت وقعدت جمبي 
عارفه انك بتعملي كل دا علشان عرفتي ان دا عريس بس انا عوزاكي تفكري في الموضوع كويس انتي جميله وتستاهلي كل خير والي بيجولك دول ولاد حلال ممكن اعرف السبب الي مخليكي بترفضي كل عريس كدا 
بصيت لماما وهزيت راسي وانا باخد نفس وبهدأ 
ماما قالت بصي يا ملك يا حبيبتي اقعدي معاه واحكمي لو ملقتيش انك مرتاحه معاه ارفضي انما رفضك من غير اي سبب دا قلقني 
بصيت لماما وانا شايفه ان عندها حق وقولت خلاص ياماما بلغيهم اني موافقه 
ماما بفرحه وابتسمت ماشي يا قلب ماما هبلغهم بكرة ونتفق علي ميعاد يجيو فيه بس انتي بق مالك 
احمم مالي ازاي ياعني يماما 
ماما يعني يا ملك اي الكرتونه الي كنتي شيلاها في ايدك دي 
بصيت للكرتونه پصدمة وافتكرت الي حصل وقولت انا سيبت الشغل بس بإذن الله بكره هروح ادور علي شغل تاني 
ماما هزت راسها وقالت ماشي يا حبيبتي ربنا يصلح حالك يلا غيري هدومك وتعالي ناكل 
هزيت راسي وماما خرجت وانا بصيت علي الكرتونه بحزن انا كنت بحب شغلي جدا وياما حصلت مواقف كتير حلوه بس للاسف دا مش مكاني انا استحق الافضل بس فين بق مسكت تلفوني وبدات اشوف الجرايد الي عرضه شغل ووقتها ملقتش اي جريده عارضه حاجه اتنهدت وجه وقتها في بالي فارس يااه يا فارس مش عارفه لي اتشديت ليه اوي كدا معقوله اكون اعجبت بيه بس لا مفيش الكلام دا مينفعش اعجب بحاجه مش ملكي افردي هوا مرتبط بحد مش من حقي ابدا ابص لحاجه مش ملكي 
خرجت واقعدت اكل مع ماما وفضلنا نضحك واحنا بنتفرج علي مسرحيه وقعدنا احكي لماما عن الي حصل من فريده وماما قالتي اني صح ومكنش لازم اوافق علي اهانتها دي من البدايه! 
وعدي يومين وكنت كل يوم بطلع ادور علي شغل ومكنتش بلاقي وبرجع للبيت محبطه لحد ما فيوم جاتلي مكالمة من صحبتي نسمة واستغربت جدا من مكالمتها لانها بقالها كتير مكنتش بتتصل رديت وانا بهزقها لانها اختفت فجأه بس لقيتها بتقولي ملك ازيك عامله ايه 
رديت وانا مبتسمه الحمد لله فينك يا نسمة مختفيه كدا ليه 
نسمه
اسكتي يا ملك علي الي انا فيه المطعم الي شغاله فيه محتاجين عمال والدنيا زحمة جدا وانا وزمايلي مش ملاحقين والنهاردة في شركة هيعملو اجتماع شغل وطبعا هياكلو بعد ما يخلصوا والمدير طلب مني اخدم الطربيزه دي بس انا للاسف لازم اروح مع خطيبي علشان نحجز الفستان والكوافير ومش هعرف اني افضل في الشغل لان الشركه دي هيتاخرو 
كنت مش عارفه ارد اقولها ايه بس قالتلي 
ملك هو انتي عندك حاجه النهارده 
رديت وقولت لا 
قالتلي اعملي معروف في اختك بق وتعالي اقفي مكاني ومتقلقيش المدير هيظبطك في الفلوس وانا هوريكي هتعملي ايه بس ونبي وافقي 
قعدت افكر شويه وانا مش عارفه ارد اقول ايه بس فكرت في حالي واني الفلوس الي معايا قربت تخلص وان علاج ماما قرب يخلص ومحتاجه فلوس قولتلها خلاص يا نسومة موافقه سمعت صوت نسمه وهيا بتضحك خلاص يا حبيبتي متحرمش منك طول عمرك جدعه يا لوكه يلا انا هبعتلك العنوان في رساله متتاخريش 
قفلت معاها وقومت اغير هدومي واستأذنت من ماما اني هروح اساعد نسمه في حاجه وماما وافقت وقالتلي متتاخريش وخلي بالك علي نفسك ونزلت