قطع عليها الطريق بقلم أماني سيد

وعن حواراتها معايا واللي بتعمله وكانت بتسالها عليك كانت بتقارن بيننا مين معاه فلوس اكثر عشان تروح له ولما سبتها بعد ثلاث شهور لقيتها معاك في شرم الشيخ واتفاجئت بيها هناك
بس هي دي قصتي مع سلمى ولا ازيد
زين تمام يا صاحبي انا مصدقك لانها برده في بدايه تعرفنا عملت كده بالظبط وده اللي خلاني احسها مختلفه الحمد لله انها اتكشفت على حقيقتها قدامنا
يوسف طب يا سيدي هتبدا امتى تصميم القريه بتاعتي اللي انا عايزه انفذها بلس ان انا عايز خديجه هي اللي تعمل التصميم
زين هبدا فيها الاسبوع الجاي ان شاء الله الاسبوع ده مشغول بحاجات كثير قوي واهمها خطوبه نور
يوسف مبروك يا زينه عقبالك هي خديجه دلوقتي عند ليان ولا في القصر
زين ما تشغلش بالك بخديجه يا يوسف ما تشغلش بالك هي موجوده عندي في القصر اصل القصر ده بيتها واستحاله تسيبه او انا اسمح انها تسيبه حتى 
يوسف طيب تمام سلم لي عليها كثير لحد ما اشوفها ان شاء الله
زين مع السلامه يا يوسف نورت
سليم في الوقت ده راح لخديجه مكتبها وطلب منها انها تتصل على ديان وتعزمها على الغداء
خديجه ما انا لسه كنت معاها امبارح هكلمها واعزمها على غدا النهارده ليه
سليم ومين قال لك ان انت اللي هتروحي تتغدي معاها يا خديجه
خديجه نعم امال ايه عايزني اقول لها نتغدى سوا واسيبها واعمل فيها مقلب وما اروحش ولا اعمل ايه
سليم لا انا اللي هروح اتغدى معاها
خديجه طب ما تكلمها انت على طول يا سيدي وتعزمها على الغداء بتدخلني انا ليه ويمكن تزعل مني
سليم لا انا عايزه اعمل لها مفاجاه كلميها انت ما تخافيش مش هتزعل منك انا واثق
خديجه امري لله واتصلت بريان وعزمتها على الغداء وما جابتش سيره سليم
خديجه ادينا فزت كلامك اهو ارتحت 
سليم اوى اوى يا خديجه شكرا ليكى 
زين دخل عليهم وهما بيهزروا 
زين ايه يا سليم هو انت نقلت شغلك عند خديجه ولا شغلك اللي محتاج تخلصه ده مع خديجه
سليم لا كنت عايزها في موضوع
زين موضوع ايه 
سليم بعدين يا زينو بعدين وضحك وسابه ومشى 
زين بص لخديجه كان عايزك في ايه خديجه
خديجه موضوع شخصى
زين نعم موضوع ايه الشخصى ده ان شاء الله اللى كان عايزك فيه ومن امته فى بينكم مواضيع شخصية
خديجه هو يبقى يقول لك عشان الموضوع يخصه
زين بقى كده ماشي يا خديجه ما انا كده كده هعرف
بقول لك يا خديجه انا عملت لك اذن ساعه هنمشي انا وانت بدري النهارده عشان منتاخرش على ماما عشان تعبانه 
خديجه لا انا هروح لوحدي 
زين لا ما ينفعش يا خديجه بس انا عايزك في موضوع مهم واحنا مروحين هقوله لكء
خديجه حاضر يا زمبي هي اوامر تانيه 
واتصل بعد كده على نور يطلب منها حاجه 
زين ازيك يا نور عامله ايه
نور ازيك يا زين عامل ايه
زين بقولك يا نور كنت عايزك تعمليلى ..................
نور نعم
زين نور بقولك عايزك تفصليلى فستان زفاف مقاس خديجه يكون كبير ومنفوش ششبهه بتاع الملكات بتوع زمان ويكون اوف وايت مش ابيض وطرحه اوف وايت طويلة جدا وحوليها جبير لونه دهبى ومترصعه بالالماظ
والفستان يكون ساده خالص من غير ديل ويكون فى لمعه بسيطه ومن عند الصدر الماظ تقيل نازل على خفيف ومن الديل برضو كده يكون خفيف نازل على تقيل 
نور انت بتتكلم جد كل ده لخديجه مش لحد تانى 
زين اه نور لخديجه واهم حاجه عايزه خلال اسبوع
نور هحاول يا زين اضغط نفسى عشان خاطركوا وهكون اسعد واحده لانكم اعز الناس على قلبى 
بس واضح ان فى حاجات كتير فايتانى 
زين يووووو فاتك ياما هحيلك كل حاجه بعدين بس المهم مش عايز اى حد يعرف اى حاجه خالص خصوصا ماما وخديجة
نور حاضر يا زين بيه اى اوامر تانيه 
زين لا يحبيبى خدى بالك من نفسك ونتقابل يوم الخميس
واثناء حديث زين ونور دخلت سلمى على زين وهو قفل المكالمه مع نور 
سلمى ازيك يا زينو عامل ايه انا جيت عشان استلم الشغل اهو واتعلم زى ما اتفقنا 
زين هههههههههه انا كويس جدا ياسلمى ده اكتر وقت في حياتى انا كويس فيه 
سلمى عايز أسألك سؤال 
سلمى طبعا يا زينو اتفضل 
زين حبيتى مين فينا اكتر يا سلمى مين كان مالى عينك اكتر وبيجيب هدايا اكتر 
سلمى انت بتقول ايه يا زين انا مش فاهمه حاجه
زين بقول الحقيقة اللى عرفتها كلها انتى فاكرانى عيل اهبل ممكن يسمع منك كلمتين ويصدقهم بسهوله كده من غير مسال واطقس واعرف فكرانى مخدتش بالى من نظراتك ليوسف لما كنا في شرم وتوترك اول ما شفتيه واللى حاولتى تداريه بصى يا سلمى انتى اقل من اضيع وقت اكتر من كده فى الكلام معاكى اتفضلى خدى صاحبتك اللى بره واخرجى وماشفش وشك تانى 
سلمى انت بتطردنى يا زين وعرفت نها كمان 
زين انتى غ. بيه أوى يا سلمى انتى ناسيه ان نها دفعتك