كبريائي
على باب اوضت رهف
رهف ايوه يا غبيه بتخبطى كده ليه وبعدين قالت مها انتى بتعملى ايه هنا
مها انزلى كلمى مامتك عايزاكى تحت وسابتها ومشيت وهى ماشيه خبط فيها واحد وقالت ااااااااه مش تفتح يا اخى
اسر ابن عمها اووووبا مها بتعملى ايه هنا وبعدين انتى مالك كده احلويتى وبقيتى مزه
مها امم اذيك يااسر
مها عادى يعنى قعدين يومين هنا عندك مانع وسابته ومشيت
اسر شكلها هتحلو والقعده فى الفيلا هتبقى حلوه اوووووى
ونزل عند امه وقال
اسر هو فى ايه بالظبط انا حاسس ان انا نمت فى زمن قمت فى زمن تانى خالص ايه اللى بيحصل فى الفيلا بالظبط
سوزى ما هو انت مش حاسس بحاجه ابدآ اختك هتتخطب
سوزى ولد اتكلم عدل
اسر عدل اهو مين بقى
سوزى فهد المنشاوى
اسر نعععععععععععم
سوزى ولد
اسر انتى عايزه تقنعينى ان فهد المنشاوى اكبر رجل اعمال هيبص لرهف اختى
سوزى وهى مالها اختك
اسر دى بنص لسان
اسر يعنى اكدب علشان اعجب
سوزى انت اصلا ايه صحاك من نومك دلوقتى
اسر هو انا عارف انام من الخبط ده وبعدين صح هى مها بنت عمى بتعمل ايه هنا
سوزى صاحب الشقه اللى كانو فيها خرجهم جم هنا عايزين يقعدو معانا فى الفيلا ادتهم الاوضه اللى فى الجنينه
اسر ياسلام عليكى يا ام قلب كبير وجايه على نفسك ليه ما الاوض فى الفيلا كتير ليه تديهم اوضت الخدامين
وفى الوقت ده جت رهف
اسر اول ما شفها غنى بطريقة رهف وقال مبيوك عيكى عيسك الخفه تررر تررر مبروك عليكى عريسك الخفه
رهف بصى يا مامى بيعيب عليا ازاى
سوزى اتلم يا اسر
اسر انا غلطان كنت بغنلها ملكمش فى الطيب نصيب ومشى وسابهم
سوزى يوووووه بقى هى ايه حكايتكم وقالت ليها نفس الكلام اللى قالته لاسر
رهف ياي يا مامى انتى هتخلى الجربيع دول يقعدو معانا هنا
سوزى هخليهم بس بلقمتهم هشغلهم فى الفيلا
رهف يس يعنى مليكه ومها وبالذات البت ام لسان طويل دى اللى اسمها مى هيبقو خدامين عندى
رهف ده انا هعمل معاهم عمايل
سوزى براحتك يا حبيبت مامى
المهم دلوقتى عروستنا تطلع تجهز علشان الناس اللى جايه
رهف حاضر يامامى
عند مليكه
وصلت الفيلا ونزلت الشنط وحسبت السواق ومشى ودخلت الشنط من باب الخدامين ودخلت الاوضه دورت عليهم ملاقتش حد
مليكه راحو فين دول وقالت اما اروح اشوفهم فى الفيلا يمكن دخلت
تحضر لينا اكل فى المطبخ
وراحت للفيلا ودخلت واټصدمت لما شافت امها بتمسح الارض
مليكه ماما بتعملى ايه
فايزه مليكه
مليكه بتعملى ايه هنا وفين مها
فايزه ا ا اصل خطوبة بنت عمك انهارده وقولت نيجى نساعدهم هنا
مليكه وانتو اللى جيتو من نفسكم ولا هما اللى طلبو منكم
فايزه ها لا ط ط طبعآ احنا اللى جينا من نفسنا ده حتى جت الصبح مرات عمك الاوضه واطمنت علينا وسألتنا محتاجين حاجه ولا لا
مليكه والله
فايزه ج ج جبتى الهدوم
مليكه اه
فايزه حست بدوخه وكانت هتقع
مليكه جريت عليها ومسكتها وقالت ماما مالك
فايزه مفيش يا حبيبتى انا كويسه
مليكه كويسه ايه انتى دوختى وكنتى هتقعى تلاقيكى لسه مأكلتيش لحد دلوقتى ومأخديش العلاج
فايزه ها انا كويسه يا بنتى متقلقيش ولسه هتوطى وتمسح الارض
مليكه لا يا ماما ريحى انتى وانا هكمل مكانك
فايزه لا يا بنتى خليكى انتى انا هكمل
مليكه لا انا اللى هكمل وقعدت امها ومسحت هى الارض وبدءت تساعد فى شغل الفيلا لحد ما جه وقت وصول عيلة فريد المنشاوى
سوزى راحت لفايزه وقالت خلاص بقى خدى بناتك وروحى على الاوضه بتاعتكم ومحدش يجى هنا الا لو نديت عليكم
فايزه ماشى ربنا يتمم ليها على خير ومشيو التلاته على الاوضه
مها شوفتى يا ماما بتعملنا ازاى
فايزه خلاص بقى يا مها متحطيش فى دماغك ولا تشغلى بالك بيها
مها بنأدمه مستفزه
مليكه اه يا مها خدى كلمى محمد احسن على اخره
مها انتى كلمتيه
مليكه رديت عليه وقولت ليه لما اوصلك التليفون هتكلميه
مها اخدت التليفون وقالت ربنا يستر وطلعت الجنينه وطلبت رقم محمد
فى داخل الفيلا
تم الترحيب بعيلة فريد المنشاوى
ودخلو قعدو فى الصالون وبدءت الخدامين يحضرو الاكل
دخلت سيده وكلمت سوزى فى ودنها وقالت
سيده ست سوزى محتاجه واحده من اللى كانو شغالين معايه يساعدونى فى المطبخ
سوزى روحى اطلبى واحده منهم بس متخليش حد منهم يطلع من المطبخ
سيده حاضر يا ستى
وراحت سيده عند فايزه فى الاوضه
فايزه ايوه يا سيده
سيده ست سوزى بتقولكم واحده منكم تيجى تساعدنى فى شغل المطبخ
مليكه هى مفكرانا شغالين عندها ولا ايه
فايزه بس يا مليكه وبصت لسيده وقالت انا جايه معاكى
مليكه لا انتى تعبانه مينفعش تروحى معها
فايزه واختك مينفعش بتكلم خطيبها
مليكه خلاص يا ماما خليكى انتى هنا وانا هروح بس اخر مره
