كنت في الحمام وبغنى

كنت في الحمام و بغني كالعاده وانا واقفه قدام المرايه
صوتي عجبكم صح
لقيت علبه الشامبو وقعت
بتوتر اكيد من الهوا صح
و ضحكت بهبل و خرجت لما ماما زعقت
ماما يا زفته انتي بطلي تكلمي نفسك هتتلبسي في مره وانتي في الحمام
نور ما انا لما بتكلم معاكم بتقولوا رغايه دا انتو ناس مفتريه اوي
 لقيت صوت جنب ودني بهمس محدش يقدر يقربلك
نور انا مالي بقيت عبيطه ول ايي
 انا نازله يا ماماااا مش هتاخر
ماما خلي بالك من نفسك يا حبيبتي ربنا معاكي و يوفقك و يرزقك ب ابن الحلال
نور بااااس يست ابن حلال مين انا مش هتجوز قاعده معاكم

نزلت بسرعه علي السلم وانا نازله في قطه كانت طالعه قدامي بسرعه فرجعت لورا وانا راجعه كنت هقع بس حسيت ان حد مسكني من ضهري محطتش في دماغي و كملت نزول و ركبت ميكروباص و روحت الكافيه استنيت حمزه زفت اللي اتاخر
فجاه لقيته قدامي استاذ حمزه باشا كنت بشكر فيك في دماغي وربنا
حمزه بقرف باين ..
حط ملف قدامي
حمزه الملف بعد بكرا بالكتير يكون خلص تمام
و سابني و مشي ..محترم اوي ابن ال..
لف بصلي انتي بتقولي ايي
نور بتوتر هو انا قولت حاجه يسطا
حمزهاسطا سوقيه اوي
نور لا بقولك ايي الا قله الادب انا بقولك اهو
لقيته قرب هتعملي ايي يعني !
نور ولا حاجه يا باشا
حمزه يلا سلام يا قطه
مشي و سابني انسان مستفز
خدت الملف و روحت البيت دخلت الاوضه و قعدت اشتغل علي اللاب و الملف جنبي
ماما دخلت و في اديها سندوتشات مش تقولي انك جيتي
نور معلش يا ماما مشغوله بس و بصيت ليها ..اي اللي في ايدك دا
ماما بحنان سندوتشات يا حبيبتي انتي مفطرتيش
نور تسلم ايدك يا ست الكل حطيها هنا وانا هخلص و اكل
ماما لو عوزتي حاجه نادي عليا
نور حاضر يا ست الكل
خرجت وانا قعدت اكمل شغل منه لله الشغل علي اللي اخترعه انا دماغي ماټت قعدت اغني وانا بشتغل
نور بتمر ساعات بعد لقانا و الروح لوجودك عطشانه توحشني عنيك
سمعت صوت جنبي و بلاقي الدنيا بقت فاضيه مع أن الناس رايحه و جايه وانا بحلم بيك
قومت بخضه ايي دا بقا انت عفريت عبيط ولا ايي انا بقيت بهيس الايام دي اهو من كتر الروايات الزفت اللي بقراها
بهمس لا مش بيتهيالك
نور پخوف ايي دا في اي
فجاه حسيت بهوا سخن جنبي و الاوضه بقت تزيد سخونه كنت خاېفه الف اشوف في ايي بس لقيت ببطئ لقيت ....
فجاه حسيت بهوا سخن جنبي و الأوضه بقت تزيد سخونه كنت خاېفه